Isaías

9 Pe, rä ꞌme̱xui hingä nzäntho ma dä nja ngu nuꞌmu̱ nunä hai bi thogi yä xuñha, ja ngu mä mꞌe̱tꞌo nuꞌmu̱ rä hai de Zabulón ꞌne rä hai de Neftalí bi tꞌu̱tsa. Pe mꞌe̱fa, Naꞌä ma dä japi dä tꞌespäbi rä nsu—näꞌä rä ꞌñuu ja ha rä ñäni rä ndehe, ha näꞌä rä luga de rä Jordán, Galilea de yä dähni. 2 Näꞌä rä hnini mi yꞌo ha rä mꞌe̱xui xä hyandi rä ñotꞌi. Nuꞌu̱ yä mexiꞌmhai xki goꞌmi nꞌa rä mꞌe̱xui, nubye̱ xä hue̱xki rä ñotꞌi. 6 Ngeꞌä xä mꞌu̱i nꞌa rä zi bätsi, xä tꞌakägihu̱ nꞌa rä tꞌu̱; ꞌne rä tsꞌu̱tꞌhui go ma dä tꞌe̱ntꞌuäbi ha yä yꞌe̱. ꞌNe ma dä tꞌembäbi rä Hogä Consejero, Zi Dada näꞌä xa ja rä Tsꞌe̱di, rä Dada pa Nzäntho, rä Tꞌu̱ rä Rey näꞌä bi hä nꞌa rä mꞌu̱i temäꞌentho.