Génesis

1 Dende rä mu̱di Äjuä bi hyoki mähetsꞌi ꞌne rä xiꞌmhai. 2 Nubye̱ rä xiꞌmhai hinte mä forma mi pe̱ꞌtsi nixi te mi jani, ꞌne mi ja rä ꞌme̱xui mäñä de rä ndehe, ꞌne rä tsꞌe̱di Äjuä mi ñꞌäni mäñä de yä dehe. 12 ꞌNe rä hai bi mu̱di bi uni yä tꞌe̱i, yä planta nuꞌu̱ uni yä semilla ꞌne yä arbol nuꞌu̱ uni yä fruta ko yä semilla segun yä klase. Nuꞌmu̱, Äjuä bi hyandi ge xi xmä ñho. 21 Hänge Äjuä bi hyoki yä zuꞌue xi yä däta pa dä mꞌu̱i ha rä dehe ꞌne märꞌa yä klase yä zuꞌue nuꞌu̱ ku̱ mbo rä dehe, ꞌnehe bi hyoki diferente yä klase yä zuꞌue nuꞌu̱ ja yä zahua ꞌne di ñhatsꞌi. ꞌNe Äjuä bi hyandi ge xmä ñho näꞌä xki hyoki. 24 ꞌNepu̱ Äjuä bi ꞌñenä: «Rä xiꞌmhai dä uni rꞌanꞌañꞌo yä zuꞌue, yä zuꞌue nuꞌu̱ yä mänxo ꞌne nuꞌu̱ yä zuꞌue di gu̱tꞌi yä ndoyꞌo ꞌne rꞌanꞌañꞌo yä mbängä zuꞌue». ꞌNe geꞌä bi thogi. 25 ꞌNepu̱ Äjuä bi hyoki yä mbängä zuꞌue nuꞌu̱ mꞌu̱i ha yä boza, ꞌne bi hyoki diferente yä klase yä zuꞌue yä mäxo, ꞌne gatꞌho nuꞌu̱ yä zuꞌue yꞌo ha rä hai. ꞌNe Äjuä bi hyandi ge xmä ñho näꞌä xki hyoki. 26 Nubye̱ Äjuä bi ꞌñenä: «Ma gä hokihu̱ rä jäꞌi ja nguju̱ ꞌne dri hñäxkägihu̱, ꞌne ma gä he̱gihu̱ go dä yꞌo yä yꞌe̱ gatꞌho nuꞌu̱ yä huä ku̱ ha rä ndehe, nuꞌu̱ yä zuꞌue di ñhatsꞌi ꞌne gatꞌho nuꞌu̱ yä zuꞌue yä mäxo, ꞌne gatꞌho rä hai ꞌne gatꞌho nuꞌu̱ yä zuꞌue yꞌo ha rä hai». 27 Hänge Äjuä bi mu̱di bi hyoki yä jäꞌi ja Nguꞌä hänge ri hñätsꞌiꞌä; Näꞌä bi hyoki rä ñꞌo̱ho̱ ꞌne rä ꞌme̱hñä. 28 ꞌNe Äjuä bi jäpi ꞌne bi ꞌñembäbi: «Pe̱ꞌtsihu̱ yä bätsi ꞌne ndunthihu̱. Ñuꞌtsihu̱ rä xiꞌmhai ꞌne suhu̱, ꞌne dä yꞌo ha ri yꞌe̱hu̱ gatꞌho nuꞌu̱ yä peskado ku̱ ha rä ndehe, ꞌne nuꞌu̱ yä zuꞌue di ñhatsꞌi, ꞌne gatꞌho nuꞌu̱ ꞌmu̱ ha rä xiꞌmhai ꞌne ja yä te». 31 Mꞌe̱fa de geꞌä, Äjuä bi hyandi gatꞌho näꞌä xki hyoki, ¡ꞌne hyandi!, gatꞌho xi xmä ñho. ꞌNe bi zo̱ho̱ bi nja rä ndee ꞌne bi zo̱ho̱ bi nja rä xudi, rä pa rꞌato.