Génesis
2 Njabu̱ bi uadi bi thoki mähetsꞌi, rä xiꞌmhai, ꞌne gatꞌho nuꞌä jani. 2 Pa näꞌä rä yoto mä pa, Äjuä ya xki huati rä ꞌme̱fi. Hänge ha näꞌä rä yoto mä pa, Äjuä bi ne bi ntsaya. 3 Äjuä bi jäpi näꞌä rä yoto mä pa ꞌne bi mää ge xä nsundatho nunä pa. Ngeꞌä ha nunä pa, Äjuä bi ntsaya po gatꞌho näꞌä bi hyoki ꞌne po gatꞌho näꞌä bi beni dä me̱fi. 4 Njaua bi zo̱ho̱ bi nja mähetsꞌi ꞌne rä xiꞌmhai, näꞌä rä tiempo nuꞌmu̱ bi thokiꞌu̱, ha näꞌä rä pa nuꞌmu̱ rä Zi Dada Jeoba bi hyoki mähetsꞌi ꞌne rä xiꞌmhai. 7 Nubye̱ rä Zi Dada Jeoba bi mu̱di bi hyoki rä ñꞌo̱ho̱ ko rä fonthai de rä hai ꞌne bi huiꞌtuäbi ha rä xiñu rä ndähi de rä te, ꞌne rä ñꞌo̱ho̱ bi zo̱ho̱ bi mꞌu̱i ngu nꞌa rä jäꞌi näꞌä te. 9 Hänge rä Zi Dada Jeoba bi japi bi fo̱tsꞌe de rä hai yä arbol mähotho ko yä fruta pa dä tsꞌi. ꞌNehe, mädetho de rä jardin bi japi bi fo̱tsꞌe näꞌä rä arbol de rä te, ꞌne näꞌä rä arbol de rä mfädi de näꞌä xä ñho ꞌne de näꞌä xä ntsꞌo. 16 ꞌNehe, Jeoba bi umbäbi nunä mhända rä ñꞌo̱ho̱: «Dä za gi tsipäbi yä fruta gatꞌho nuꞌu̱ yä arbol ja ha rä jardin asta xa gi niñä. 17 Pe hingi debe gi tsipäbi rä fruta näꞌä arbol de rä mfädi de näꞌä xä ñho ꞌne de näꞌä xä ntsꞌo, ngeꞌä näꞌä rä pa gi tsi de geꞌä ma gi tu». 18 ꞌNe rä Zi Dada Jeoba bi ꞌñenä: «Hinxä ñho ge rä ñꞌo̱ho̱ dä sigi dä mꞌu̱se̱. Ma gä hokuäbi nꞌa rä maxte näꞌä rä ntso̱hui pa dä mfaxhui». 22 ꞌNe de näꞌä ꞌmo̱tsꞌe xki hñäi, rä Zi Dada Jeoba bi hyoki nꞌa rä ꞌme̱hñä ꞌne bi ziꞌspäbi näꞌä ñꞌo̱ho̱. 23 Nubye̱ rä ñꞌo̱ho̱ bi ꞌñenä: «Nubye̱ hää gehnä rä ndoyꞌo de mä ndoyꞌo ꞌne rä ngo̱ de mä ngo̱. Ma dä tꞌembäbi ꞌme̱hñä, ngeꞌä bi thäi de rä ñꞌo̱ho̱». 24 Hänge rä ñꞌo̱ho̱ ma dä zoogi rä dada ꞌne rä nänä, ꞌne pe̱ꞌtsi te dä mꞌu̱hui rä ꞌme̱hñä, ꞌne nuꞌu̱ ma dä zo̱ho̱ dä nꞌatho rä ngo̱.