Marcos

19 Pe rä Hesu himbi hyopi ꞌne bi ꞌñembäbi: «Gi ma ri nguu. Pengi ko ri pariente ꞌne xipäbi gatꞌho näꞌä xä me̱fi rä Zi Dada Jeoba po geꞌi ꞌne hängu xä huekꞌäꞌi». 25 Nubye̱ mi yꞌoni nꞌa rä ꞌme̱hñä näꞌä mi pigi rä ji dende o̱tꞌe 12 yä je̱ya. 26 Näꞌä xa xki sufri ndunthi ha yä yꞌe̱ yä mediko ꞌne ya xki gasta gatꞌho rä bojä, ꞌne hingä xki hogi, en lugar de geꞌä, mänꞌa xki ziꞌti. 27 Pe nuꞌmu̱ bi yꞌo̱de nuꞌu̱ yä tꞌo̱tꞌe mi pe̱fi rä Hesu, näꞌä mi ꞌme̱fa de Geꞌä ꞌne bi yu̱tꞌi entre nuꞌu̱ yä jäꞌi mi de̱ni, ꞌne bi ma bä thambäbi rä ñäni de näꞌä rä hee, 28 näꞌä mi ense̱: «Di pädi ge mu̱ gä thambäbi ho̱nse̱ rä ñäni de näꞌä rä hee, nuga ma gä hogi». 29 ꞌNe nguntꞌä bi tsaya näꞌä rä ji, ꞌne bi za ha rä ndoyꞌo ge ya xki tsaya näꞌä rä tsꞌo ñheni mi tsu̱di. 30 Oraꞌä rä Hesu bi da ngue̱nda ge xki bo̱ni rä tsꞌe̱di de geꞌä. Hänge rä Hesu bi ñegi pa bi hyandi nuꞌu̱ yä jäꞌi mi ꞌme̱fa de geꞌä ꞌne bi ñꞌani: «¿Toꞌo bi dani mä hee?». 31 Pe nuꞌu̱ yä de̱ni bi ꞌñembäbi: «Gi handäse̱ hängu yä jäꞌi xä tsꞌitsꞌäꞌi ꞌnepu̱ gi ñꞌani ¿toꞌo xä dani ri hee?». 32 Pe näꞌä bi sigi bi ñhani pa dä hyandi toꞌo xki dani rä hee. 33 Näꞌä zi ꞌme̱hñä xki dambäbi rä hee, asta mi huätꞌi ko rä ntsu. Oraꞌä bi ma bä tsu̱di rä Hesu ꞌne bi ndandiñähmu ante geꞌä ꞌne bi xipäbi näꞌä xki thogi. 34 Näꞌä bi ꞌñembäbi: «Zi iha, ri jamfri bi jaꞌi gä hogi. Gi ma temäꞌentho, ꞌne ya dä mꞌe̱di näꞌä rä tsꞌo ñheni tsu̱ꞌi». 36 Pe näꞌä di udi mänꞌa ja rä tsꞌe̱di ke näꞌä bi ꞌñudi Juan, ngeꞌä näꞌä bi mändagi mä Dada gä pe̱fi, —nuꞌu̱ yä mꞌe̱fi di jabye̱— udi ge mä Dada go geꞌä xpä pe̱nkägi.