Isaías

6 Ha nunä tꞌo̱ho̱, Jeoba de yä ejército, ma dä hyoki pa gatꞌho yä pueblo ꞌne yä hnini nꞌa rä mexa habu̱ ma dä ꞌñexä yä mohi ko yä hogä ñhuni nuꞌu̱ xa xä ku̱hi ꞌne yä hogä binu. Ma dä ꞌñexä yä mohi ko yä hogä ñhuni nuꞌu̱ xa xä ñuxä de gä tuetano, ꞌne ma dä ꞌñexhni yä hogä binu näꞌä xä mꞌatsꞌi. 7 Ha nunä rä däta tꞌo̱ho̱, Näꞌä ma dä hñäki pa nzäntho rä du. Ngeꞌä nunä ꞌñenä nꞌa rä tela xa xä ñhu̱ ꞌne xä mantꞌi gatꞌho rä mexiꞌmhai ꞌne xä meꞌmi gatꞌho yä dähni. 8 Näꞌä ma dä huati rä du pa nzäntho, ꞌne Jeoba, näꞌä rä Däta Hmuu de gatꞌho rä xiꞌmhai ma dä dukuäbi yä gida gatꞌho yä jäꞌi. ꞌNe po gatꞌho ha rä xiꞌmhai, ma dä hñäki näꞌä mꞌe̱tsa xä thogi rä hnini, ngeꞌä Jeoba njabu̱ go xä mänse̱. 9 Ha näꞌä paꞌä nuꞌu̱ ma dä ꞌñenä: «¡Hyandihu̱! ¡Gehnä mä Zi Dadahe!». Mä humu̱ihe bi ehe de geꞌä ꞌne go geꞌä ma dä ñängägihe. ¡Gehni mä Zi Dadahe Jeoba! Mä humu̱ihe bi ehe de geꞌä ꞌne go geꞌä ma dä ñängägihe. Xa di johyahe ngeꞌä go geꞌä ma dä ñängägihe».