2 Corintios

9 Nubye̱ di johya, pe hingä ngeꞌä dä jaꞌähu̱ gä mꞌu̱kä tristehu̱, sino di johya ngeꞌä näꞌä gä sentihu̱ geꞌä bi zixꞌähu̱ gä arrepentihu̱. Gä mꞌu̱kä tristehu̱ ja ngu di ho Äjuä, hänge hinte mä dañu gä thogihu̱ po gekhe. 11 Gä mꞌu̱kä tristehu̱ ja ngu di ho Äjuä, ¡ꞌne hyandihu̱ te bi logra näꞌä gä sentihu̱! Hää, geꞌä bi jaꞌähu̱ gi xu̱kihu̱ ri thuhuhu̱, hää bi jaꞌähu̱ gi pe̱ꞌtsihu̱ nꞌa rä hogä ntsu, bi jaꞌähu̱ gi deseahu̱ gi pe̱fihu̱ näꞌä xä ñho, gi yꞌe̱ntsꞌuähu̱ rä ganä, ꞌne bi jaꞌähu̱ gi korrejihu̱ näꞌä rä error. Ha nunä asunto, gä udihu̱ ge xä ntꞌaxiꞌihu̱.