Efesios

13 Di bänteꞌihu̱ ge hingi turimu̱ihu̱ po nuꞌu̱ yä xuñha di thogi po geꞌähu̱. Ngeꞌä kongehnä di tꞌetsꞌä ri nsuhu̱. 14 Po rängeꞌä di ndandiñähmu ante rä Dada, 15 näꞌä toꞌo bi hyoki yä familia tanto ha mähetsꞌi ꞌne ha rä xiꞌmhai. 16 Di xatuäbi Äjuä, pa njabu̱ po mäde de Näꞌä rä nsunda, dä rꞌaꞌähu̱ rä mäkä tsꞌe̱di dende mbo ha ri korasohu̱. 17 Pa njabu̱ po mäde de näꞌä rä komfiansa gi pe̱ꞌspäbihu̱ Äjuä, rä Kristo dä za dä mꞌu̱ ha ri korasohu̱ ko rä mhäte. ꞌNehe di xatuäbi Äjuä, pa njabu̱ gi nthätꞌihu̱ xä ñho ha näꞌä rä simiento ja. 18 Njabu̱ nuꞌähu̱, mähye̱gi ko ngatꞌho yä santo, gi pädihu̱ xä ñho ndaꞌä rä nxidi, rä maa, rä ñhetsꞌi ꞌne rä ñhee, 19 ꞌne gi pähu̱ te ri bo̱ni rä mhäte rä Kristo näꞌä täpäbi rä mfädi, pa njabu̱ dä za gi ntiendehu̱ gatꞌho näꞌä udi Äjuä.