Números

2 Gatꞌho yä israelita bi mu̱di bi ñämäñꞌu̱ kontra Moisés ꞌne Aarón, ꞌne gatꞌho yä jäꞌi de rä hnini ꞌnehe bi mu̱di bi ñä kontra geꞌu̱. Gatꞌho mi enä: «¡Ke xi xtä tuhe ha Egipto! ¡O ke xi xtä tuhe ha nuya yä yꞌotꞌä ꞌmatha! 10 Pe gatꞌho rä hnini himi o̱de ꞌne mi ne dä te̱do Moisés. Pe rä nsunda rä Zi Dada Jeoba bi nheki ha näꞌä rä jäꞌtsi de gä mhuntsꞌi ante rä thandi gatꞌho rä hnini Israel. 11 Nubye̱ Jeoba bi ꞌñembäbi Moisés: «¿Asta hämꞌu̱ ma dä ꞌme̱tkägi rä tꞌekꞌei nunä hnini? ¿Asta hämꞌu̱ ma dä ꞌñudi ge hingi pe̱skägi rä komfiansa mäske xtä ja ndunthi yä milagro ndelante de gehyu̱? 24 Pe koꞌmu̱ mä ꞌme̱go Caleb bi ꞌñudi ge nꞌañꞌo rä mfeni ꞌne bi sigi bi de̱ngägi ko ngatꞌho rä koraso, nuga ma gä tsitsꞌi ha näꞌä rä hai habu̱ bi ma, ꞌne nuꞌu̱ yä bätsi ꞌne yä ꞌme̱to go geꞌu̱ ja ma dä mꞌu̱hni. 33 ꞌNe koꞌmu̱ hixkä yꞌo̱dehu̱, po 40 yä je̱ya ri bätsihu̱ ma dä zo̱ho̱ dä mfayꞌo ha yä yꞌotꞌä ꞌmatha ꞌne go ma gä apäbi ngue̱nda nuꞌu̱ ri bätsihu̱. Geꞌä ma dä thogi asta xa gi thegehu̱ gi tuhu̱ nuꞌähu̱ hixkä pe̱fihu̱ mä mhända.