Mateo

18 »Nubye̱ yꞌo̱dehu̱ rä ejemplo de näꞌä rä ñꞌo̱ho̱ bi mpotꞌi. 23 Näꞌä semilla bi ꞌmotꞌi ha rä hogä hai, geꞌä näꞌä toꞌo o̱de rä noya ꞌne tso ha rä mfeni ꞌne uni yä fruta. Nꞌaa uni mä 100, mä nꞌaa mä 60, ꞌne mä nꞌaa mä 30». 41 Rä Tꞌu̱ rä Mexiꞌmhai ma dä me̱hni yä e̱nxe̱ pa go gehyu̱ dä gu̱ki de rä Tsꞌu̱tꞌhui gatꞌho nuꞌu̱ yä tꞌo̱tꞌe japi dä mfetse märꞌaa ꞌne pa dä gu̱ki nuꞌu̱ yä jäꞌi hingi pe̱fi näꞌä di mända rä ley Äjuä, 44 »Rä Tsꞌu̱tꞌhui de mähetsꞌi nja ngu nꞌa rä tesoro, näꞌä xä tꞌägi ha rä campo, ꞌne nꞌa rä ñꞌo̱ho̱ bi dini ꞌne bi ꞌñägi; ꞌne ko rä johya, bi ma ꞌne bi pa gatꞌho nuꞌu̱ yä tꞌo̱tꞌe mi pe̱ꞌtsi ꞌne bi dai näꞌä rä campoꞌä. 45 »Mänꞌaki rä Tsꞌu̱tꞌhui de mähetsꞌi nja ngu nꞌa rä comerciante näꞌä mi biaja pa mi honi yä hogä perla. 46 Mi dini nꞌa rä perla näꞌä xa mi ja rä muui, bi ma ꞌne nguntꞌä bi pa gatꞌho nuꞌu̱ yä tꞌo̱tꞌe mi pe̱ꞌtsi ꞌne bi dai näꞌä perlaꞌä.