Deuteronomio

15 Ho̱nse̱ nuꞌmu̱ xa dä zu̱ꞌi rä nkꞌatꞌi, dä za gi hyo ꞌne gi tsipäbi rä ngo̱, komforme näꞌä rä jäpi xä rꞌaꞌi Jeoba ri Zi Dada ha gatꞌho nuꞌu̱ ri hnini. Näꞌä rä jäꞌi xä kontaminä ꞌne näꞌä rä jäꞌi hinxä kontaminä dä za dä zi, ja ngu tsꞌi nꞌa rä mbängä tꞌäxi o nꞌa rä fantho̱. 16 Pe nuꞌi hingi debe gi tsipäbi rä ji; nuꞌi debe gi fani ha rä hai ja ngu rä dehe. 24 Hindi debe gi tsi. Pe̱ꞌtsi te gi näꞌmi ha rä hai ja ngu rä dehe. 28 Xa dä jamäsu de gi yꞌo̱te gatꞌho nuꞌu̱ yä noya xtä mändaꞌi, pa nzäntho dä maꞌi xä ñho ꞌne nuꞌu̱ ri bätsi mꞌe̱fa de geꞌi, ngeꞌä gi pe̱fi näꞌä xä ñho ꞌne näꞌä xä ntꞌaxi ante yä da Jeoba näꞌä ri Zi Dada.