Deuteronomio

11 »Nunä mhända di ꞌme̱pꞌäꞌi gi pe̱fi nubye̱, hingä xa xä ñhei pa geꞌi, nixi himbi ja yabu̱. 14 Ngeꞌä näꞌä rä noya, ꞌmu̱i xa getbu̱ de geꞌi, ha ri nese̱ ꞌne ha ri korasose̱, pa dä za gi pe̱fi. 19 Nubye̱ di hutsꞌi kontra geꞌähu̱ de gä testigo mähetsꞌi ꞌne rä xiꞌmhai de ke xtä hutsꞌi ndelante de geꞌähu̱ rä te ꞌne rä du, yä jäpi ꞌne yä xuñha. ꞌNe pe̱ꞌtsi te gi huahnihu̱ rä te pa njabu̱ nuꞌähu̱ ꞌne ri bätsihu̱ ꞌne ri ꞌme̱tohu̱ gi sigihu̱ gi ꞌmu̱ihu̱. 20 Pe pa geꞌä, pe̱ꞌtsi te gi mädihu̱ rä Zi Dada Jeoba, po mädee de gi jamäsu näꞌä xiꞌähu̱, ꞌne xa gi mpe̱ntꞌihu̱ de geꞌä ꞌne hingi hye̱gihu̱. Ngeꞌä Näꞌä go geꞌä ri tehu̱ ꞌne po geꞌä ma dä za gi ꞌmu̱ihu̱ ndunthi rä tiempo ha näꞌä rä hogä hai bi prometebi rä Zi Dada Jeoba dä umbäbi nuꞌu̱ ri xitahu̱ Abrahán, Isaac ꞌne Jacob».