Romanos

15 Hänge nuju̱ tse̱di mä jamfrihu̱, mähyoni gä uantahu̱ näꞌä pe̱fi nuꞌu̱ tobe hingi tse̱di yä jamfri ꞌne hingä honi mä ñhose̱hu̱. 2 Kada nꞌa de gekhu̱ ma gä pe̱fihu̱ näꞌä di numäñho mä mikꞌeihu̱ pa rä ñhoui, ꞌne pa gä fatsꞌihu̱ dä ze̱di rä jamfri. 3 Ngeꞌä asta rä Kristo himbi hyoni rä ñhose̱, ꞌne ja ngu xä ntꞌofo: «Yä ntꞌu̱tsate ꞌne yä burla nuꞌu̱ toꞌo mi ñämäñꞌu̱ de geꞌi, go xä zu̱kägi». 4 Ngeꞌä gatꞌho näꞌä bi tꞌofo mäyaꞌmu̱, bi tꞌofo pa dä ꞌñutkägihu̱, bi tꞌofo pa dä maxkägihu̱ gä ze̱tihu̱ ꞌne dä hñubgä mä mu̱ihu̱, ꞌne njabu̱ gä e̱ntꞌä ha mä mfenihu̱ näꞌä di to̱ꞌmihu̱. 7 Hänge ko rä johya uñhu̱ ntsaya nꞌa ngu mänꞌaa, ja ngu rä Kristo bi resibiꞌihu̱ ko rä johya, pa njabu̱ dä tꞌespä rä nsu Äjuä. 13 Näꞌä rä Zi Dada uni rä humu̱i, dä rꞌaꞌähu̱ ndunthi rä johya ꞌne nꞌa rä mꞌu̱i temäꞌentho po näꞌä ri jamfrihu̱, pa njabu̱ gi pe̱ꞌtsihu̱ ndunthi rä humu̱i ko näꞌä rä tsꞌe̱di rä espiritu santo. 19 ko rä tsꞌe̱di de yä däta señä ꞌne yä milagro, ko rä tsꞌe̱di rä espiritu Äjuä, pa njabu̱ dende Jerusalén ꞌne ha nꞌa rä circuito ꞌne asta Ilírico nuga xtä predika mäxo̱ge yä rꞌayꞌo hogä noya de rä Kristo.