1 Pedro

6 Ngeꞌä njabu̱ enä ha rä Mäkä Tꞌofo: «¡Hyanthu̱! Nuga ma gä egi ha Sión nꞌa rä do näꞌä xtä huahni, nꞌa rä däta ndo̱do näꞌä xä tꞌetꞌi ha rä skinä nꞌa rä simiento, näꞌä xa mähotho, ꞌne gatꞌho toꞌo dä hñuxä rä komfiansa ha geꞌä, hingä ma dä desepsionä». 9 Pe nuꞌähu̱ «xä thahniꞌihu̱ pa gi mändahu̱ ngu yä majhä, pa gi formähu̱ nꞌa rä mäkä hnini ꞌne nꞌa rä pueblo xa mähotho, pa gi uñhu̱ ntꞌo̱de ha gatꞌho yä luga ꞌne gi mäñhu̱ tenguꞌä rä mꞌu̱i ꞌne gatꞌho näꞌä xä me̱fi» Näꞌä toꞌo xä gu̱kꞌähu̱ de rä mꞌe̱xui pa gi ꞌmu̱hu̱ ha rä ñotꞌi. 12 Yꞌohu̱ xä ñho ha yä thandi nuꞌu̱ yä jäꞌi hingi pe̱pi Äjuä, pa ora eñꞌähu̱ ge gyä tsꞌo jäꞌihu̱, nuꞌu̱ ma dä hyandäse̱ näꞌä rä hogä mꞌu̱i gi pe̱ꞌtshu̱, ꞌne nuꞌu̱ ma dä uadi dä nsunda Äjuä ha näꞌä Rä pa de gä juisio. 16 Mꞌu̱ihu̱ ngu nuꞌu̱ yä jäꞌi ꞌmu̱i libre, pe ogi usahu̱ näꞌä rä libertad ngu nꞌa rä máscara pa gi pe̱fihu̱ yä tsꞌo tꞌo̱tꞌe, ꞌmu̱ihu̱ ngu yä ꞌme̱go Äjuä. 20 Pe mu̱ drä yu̱ntꞌäꞌihu̱ ngeꞌä xkä o̱thu̱ nꞌa rä pekado, mäske gi uantahu̱, ¿te mä thähä gi to̱ꞌmi? Pe mu̱ gi uantahu̱ yä sufrimiento ngeꞌä gi pe̱fihu̱ näꞌä xä ñho, Äjuä xa di numäñho. 21 Nde, pa geꞌä bi tsꞌohnäꞌihu̱, ngeꞌä asta rä Kristo bi sufri po geꞌähu̱, ꞌne bi zoogi nꞌa rä ejemplo pa gi jamäsuhu̱ de gi de̱mbäbihu̱ yä paso.