1 Corintios

3 Ngeꞌä rꞌa de nuꞌu̱ yä tꞌo̱tꞌe xa mähyoni xtä utꞌähu̱, geꞌä bi tꞌutkägi ꞌnehe, ge rä Kristo bi du po nuꞌu̱ mä tsꞌokihu̱ ngu enä rä Mäkä Tꞌofo; 4 ꞌne ge bi tꞌagi, hää, bri ju̱tsꞌi de rä du rä hñupa ngu enä rä Mäkä Tꞌofo; 5 ꞌne ge bi ñꞌudi ko Sefas, ꞌnepu̱ ko nuꞌu̱ rꞌe̱tꞌa mä yoho. 6 Mꞌe̱fa de geꞌä bi ñꞌudi ko thogi de 500 yä ku, ꞌne ndunthi de geꞌu̱ tobe ꞌmu̱i kongekhu̱, mäske rꞌaa ya xä ñꞌähä ha rä du. 24 ꞌNepu̱, xti uadi, nubye̱ —nuꞌmu̱ ya dä ntregabi Äjuä rä Dada näꞌä rä Tsꞌu̱tꞌhui bi tꞌe̱ntꞌuäbi ha rä yꞌe̱; nuꞌmu̱ ya xä huati gatꞌho nuꞌu̱ yä gobiernu ꞌne yä tsꞌu̱tꞌhui. 28 Pe xti mokuäbi gatꞌho yä tꞌo̱tꞌe ha yä ua rä Tꞌu̱; nubye̱ mismo rä Tꞌu̱ ma dä mꞌu̱i mänꞌaki ha rä mhända Äjuä pa dä yꞌo̱te, ngetꞌho go Geꞌä bi umbäbi gatꞌho rä autorida. Pe nubye̱ Äjuä go ma dä mända gatꞌho̱ mänꞌaki. 33 Ogi ñhatꞌäse̱hu̱. Nuꞌu̱ yä tsꞌo ntsitsꞌi di tsꞌoni nuꞌu̱ yä hogä mꞌu̱i. 45 Njaua xä ntꞌofo: «Näꞌä rä mu̱di ñꞌo̱ho̱ —Adán— bi zo̱ho̱ bi mꞌu̱i ngu nꞌa rä jäꞌi näꞌä te». ꞋNe mi mengi ha mähetsꞌi näꞌä rä gäxä Adán, bi tꞌumbäbi rä tsꞌe̱di pa dä uni rä te. 58 Hänge zi kuhu̱, sigi gi ze̱tihu̱, ꞌne nzäntho pe̱ꞌtsihu̱ ndunthi te gi pe̱fihu̱ ha rä ꞌme̱fi rä Hmuu, ngeꞌä gi pädihu̱ ge hingä ma dä njabu̱tho näꞌä ri ꞌme̱fi gi jahu̱ pa mä zi Hmuuhu̱.