1 Timoteo

4 Pe, rä Noya Äjuä mää ge ha nuꞌu̱ yä gäxä pa, rꞌaa ma dä ꞌuege de nuꞌu̱ yä ntꞌudi mäjuäni ꞌne go ma dä japämäsu nuꞌu̱ yä ntꞌudi hingä mäjuäni ꞌne nuꞌu̱ yä ntꞌudi yä u̱xjua, 2 koꞌmu̱ yä yohmi nuꞌu̱ yä jäꞌi mängä yä nkꞌuamba, xä megi yä konsiensia ꞌñenä xä thuꞌspäbi nꞌa rä märka ko nꞌa rä pa bo̱jä. 8 Ngeꞌä rä ejercicio xä ñho pa ho̱nse̱ mä ndoyꞌohu̱; pe näꞌä rä mhäte ꞌne rä hogä ntsu di pe̱ꞌspäbihu̱ Äjuä, mänꞌa xä ñho pa gatꞌho yä tꞌo̱tꞌe, ngeꞌä nunä di ñꞌoui näꞌä promesa de näꞌä rä te di pe̱ꞌtshu̱ mäpaya ꞌne de näꞌä rä te xä ꞌñepu̱. 15 Hñudi gi ntso̱ꞌmi de nuya yä tꞌo̱tꞌe ꞌne ogi he̱gi de gi pe̱fi, pa njabu̱ gatꞌho yä jäꞌi dä hyandi ge ja ri mfeni ꞌne ri mfädi. 16 Jamäsu hanja gi ꞌmu̱i ꞌne hanja gi udi. Ogi he̱gi de gi pe̱fi nuya yä tꞌo̱tꞌe, pa njabu̱ gi ñäni ri te ꞌne dä ñäni yä te nuꞌu̱ toꞌo o̱xꞌäꞌi.