Proverbios

3 Habu̱ ja rä mfädi, di thoki xä ñho nꞌa rä nguu, ꞌne habu̱ ja nꞌa rä hogä juisio kohi xä ñho rä simiento. 4 ꞌNe ko rä mfädi nuꞌu̱ yä kuarto kohi mboo, di ñutsꞌi de gatꞌho nuꞌu̱ yä tesoro xä ñho ꞌne tsꞌu̱ngänza. 10 ¿Gi turimu̱i ha näꞌä rä pa gi thogi yä dumu̱i? Ri tsꞌe̱di ma dä gätꞌi. 12 Mu̱ nuꞌi gi enä: «Pe nuje hingä ndi pädihe de gehnä», ¿hage Näꞌä toꞌo di xeni yä koraso, hingä ma dä bädi? Hää, Näꞌä hantꞌäꞌi ma dä bädi ꞌne ma dä guꞌti yä jäꞌi komforme näꞌä xä me̱fi. 27 Hyoki näꞌä ri ꞌme̱fi ja thi, ꞌne hyoki ri hai. ꞌNepu̱ pe̱ꞌtsi te gi ju̱tsꞌi ri nguu. 28 Ogi mämbäbi yä nkꞌuamba ri mikꞌeꞌi mu̱ gi pädi xä ñho ge hinte mä tsꞌoki xä yꞌo̱tꞌe. Ogi usa ri ne pa gi hyatꞌä märꞌaa.