Romanos

14 Resibihu̱ ko rä johya näꞌä jäꞌi hingi tse̱di rä jamfri. Pe ogi juzgahu̱ näꞌä di mbeni märꞌaa. 5 Nꞌa rä jäꞌi dä za dä mbeni ge nꞌa rä pa mänꞌa ja rä muui ke märꞌaa yä pa, mentä märꞌaa di mbeni ge mähye̱gi gatꞌho yä pa. Pe nuga di xiꞌähu̱ ge kada nꞌaa debe dä ꞌmu̱i kombensido de näꞌä kamfri. 8 Hänge tanto mu̱ di tehu̱, di tehu̱ pa Jeoba, ꞌne mu̱ xi gä tuhu̱, di tuhu̱ pa Jeoba. Po rängeꞌä, tanto mu̱ di tehu̱ o di tuhu̱, nuju̱ di pertenesehu̱ Jeoba. 10 Pe, ¿por hanja gi juzga ri ku? ¿O por hanja gi u̱tsa ri ku? Ngeꞌä gatꞌho nuju̱ ma gä ꞌmaihu̱ ndelante de Äjuä pa dä juzgagihu̱. 21 Mänꞌa dä hogi hingi tsi yä ngo̱ nixi gi tsi yä binu, nixi gi pe̱fi mä nꞌa rä kosa näꞌä ma dä japäbi dä mfeꞌtse ri ku.