Lucas

4 Mi uadi bi ñä, bi ꞌñembäbi Simón: «Yꞌe̱tꞌä ri motsa pa ha nuꞌu̱ yä dehe mänꞌa xä ñhee ꞌne yꞌe̱ntꞌihu̱ ha rä dehe nuꞌu̱ yä däta rꞌonjua gi hñähu̱ pa gi ju̱hu̱ yä peskado». 5 Pe rä Simón bi ꞌñembäbi: «Xahnäte, xtä nzabihe gatꞌho rä xui ꞌne hinte mä peskado xtä ju̱he. Pe koꞌmu̱ go gi mända, ma gä käꞌmihe mänꞌaki ha rä dehe nuya mä däta rꞌonjuahe». 6 Ora bi gu̱ki nuꞌu̱ yä däta rꞌonjua, xa xmä ñhu̱ ko rä ndunthi nuꞌu̱ yä peskado bi gu̱u̱, ꞌne asta bi mu̱di bi xe̱gi nuꞌu̱ yä rꞌonjuaꞌu̱. 7 Oraꞌä bi ꞌñutä rä señä nuꞌu̱ mi o ha näꞌä mä nꞌa motsa pa dä matsꞌi dä gu̱ki nuꞌu̱ yä rꞌonjua mi ñuxä yä peskado. Hänge nuꞌu̱ yä jäꞌi bi ma bä mfaxte dä gu̱ki nuꞌu̱ yä peskado. Koꞌmu̱ nuyu̱ yoho yä motsa xa bi ñutsꞌi, ko rä ñhu̱ asta bi mu̱di bi yu̱i ha rä dehe. 8 Mi hyandi njabu̱, rä Simón Pedro nguntꞌä bi ma bä ntꞌu̱ngi habu̱ mi hudi rä Hesu ꞌne bi ꞌñembäbi: «ꞌUege de geki zi Hmuu, ngeꞌä nuga drä yꞌo̱tꞌä tsꞌoki». 9 Ngeꞌä tanto rä Simón ꞌne nuꞌu̱ märꞌa mi ñꞌoui himi tsa dä gamfri ge xki gu̱ki xa ndunthi yä peskado. 10 ꞌNehe ja mi yꞌoni Santiago ꞌne Juan —nuꞌu̱ yä tꞌu̱ Zebedeo— nuꞌu̱ xki nsosioui rä Simón. Pe rä Hesu bi ꞌñembäbi rä Simón: «Ogi tsu. Ja ngu gi jahu̱ ko yä peskado, nubye̱ ma gi ju̱kihu̱ yä jäꞌi». 11 Hänge nuꞌu̱ bi zixä nuꞌu̱ yä motsa ha rä ñäni, ꞌne bi zopu̱ gatꞌho pa bi de̱ni rä Hesu.