Juan

3 Gehnä signifika rä te pa nzäntho, toꞌo dä zo̱ho̱ dä bädi toꞌoꞌi, se̱he̱ꞌi rä Zi Dada mäjuäni, ꞌne näꞌä toꞌo guä pe̱hni, Ñhesukristo. 6 » Nuga xtä utiyu̱ ndaꞌä ri thuhu nuꞌu̱ yä jäꞌi gä rꞌakägi de rä xiꞌmhai. Nuꞌu̱ go ri me̱tihmä ꞌne go gä rꞌakägi, ꞌne nuyu̱ pe̱fi nuꞌu̱ ri noya. 11 «Nuga ya hingä ma gä ꞌmu̱kua ha nunä rä xiꞌmhai, pe nuyu̱ hää ꞌmu̱kua ha nunä xiꞌmhai, ꞌne nuga ya ma gä pengi kongeꞌi. Mä Zi Dadaꞌi, di bänteꞌi gi su po ränge näꞌä ri thuhu go ri me̱ti, näꞌä gä rꞌakägi, pa njabu̱ nuꞌu̱ dä zo̱ho̱ dä nꞌatho ja ngu nuju̱ di nꞌathohu̱. 12 Nuꞌmu̱ ndi ꞌmu̱i kongehyu̱ nuga ndi su po ränge näꞌä ri thuhu go ri meti, näꞌä gä rꞌakägi; ꞌne nuga xtä su kada nꞌa de gehyu̱, ꞌne ninꞌa de gehyu̱ hinxä mꞌe̱di, ho̱nse̱ nꞌatho näꞌä ma dä mꞌe̱di, pa njabu̱ dä thogi ja ngu xä ntꞌofo. 14 Nuyu̱ xtä umbäbi ri noya, pe rä xiꞌmhai xä u̱tsayu̱, ngeꞌä nuyu̱ hingä yä me̱ti rä xiꞌmhai, ja ngu nuga hingo rä me̱tigi rä xiꞌmhai. 15 »Hindi adi gi ju̱ki de rä xiꞌmhai, nuga di adi gi su po ränge rä tsꞌondähi. 16 Nuyu̱ hingä yä me̱ti rä xiꞌmhai, ja ngu nuga hingo rä me̱tigi rä xiꞌmhai. 17 Japi dä tꞌaxkiyu̱ po mäde de näꞌä mäjuäni; ri noya geꞌä mäjuäni. 18 Ja ngu gä pe̱nkägi ha rä xiꞌmhai, nuga ꞌnehe xtä pe̱hniyu̱ ha rä xiꞌmhai. 19 ꞌNe di ꞌmu̱i xä ntꞌaxi po rängehyu̱, pa njabu̱ nuyu̱ ꞌnehe dä tꞌaxki po mäde de näꞌä mäjuäni. 26 Nuga xtä utiyu̱ ndaꞌä ri thuhu ꞌne ma gä sigi gä udi. Pa njabu̱ näꞌä rä mhäte gi pe̱skägi, dä mꞌu̱i kongehyu̱ ꞌne nuga ꞌnehe gä ꞌmu̱i kongehyu̱.