Apocalipsis

4 ꞌNe dä o̱de nꞌa rä voz de mähetsꞌi mi enä: «Po̱ñhu̱ de geꞌä, mä hniniꞌihu̱, mu̱ hingi nehu̱ gi partisipahu̱ kongeꞌä ha yä pekado, ꞌne mu̱ hingi nehu̱ gi hñänihu̱ ꞌnehe nuꞌu̱ yä plaga di tokabiꞌä. 5 Ngeꞌä nuꞌu̱ yä pekado xa xä ndunthi ꞌne xä tso̱ni asta ha mähetsꞌi ꞌne Äjuä xä beni nuꞌu̱ yä injustisia xä yꞌo̱tꞌe. 9 »Gatꞌho nuꞌu̱ yä gobiernu de rä xiꞌmhai bi mꞌe̱ngui näꞌä rä ꞌñätsa ꞌme̱hñä —pa mähye̱gi bi me̱ꞌtsi ndunthi yä lujo— ma dä hyandi hanja dri fu̱ngä yä ꞌmifi xti zätꞌi näꞌä rä ꞌñätsa ꞌme̱hñä, ꞌne nuꞌu̱ xa mä dä nzoni ꞌne asta ma dä me̱tꞌi yä tiñä xti hyandi dä zätꞌiꞌä. 15 Nuꞌu̱ yä comerciante de rä xiꞌmhai mi pa nuya yä kosa —ꞌne bi nriko ko rä mfatsꞌi näꞌä rä ꞌñätsa ꞌme̱hñä—, ko rä ntsu nuꞌu̱ ma dä mꞌai dende yabu̱ ꞌne ma dä hyandätho hanja ma dä zätꞌi näꞌä rä ꞌñätsa ꞌme̱hñä. ꞌNe nuꞌu̱ xa ma dä nzoni ꞌne xa ma dä duyämu̱i. 21 ꞌNe nꞌa rä e̱nxe̱ bi gu̱xä nꞌa rä do näꞌä xa xmä hñu ngu nꞌa rä do de gä mulinu ꞌne bi yꞌe̱ngä ha rä ndehe ꞌne nguntꞌä bi yu̱i, ꞌne bi ꞌñenä: «Njaua ma dä tꞌo̱tpäbi Babilonia, näꞌä rä däta hnini, pa ya nunka dä nheki mänꞌaki.