Isaías

61 Rä espiritu Jeoba —näꞌä rä Däta Tsꞌu̱tꞌhui— ꞌmu̱i kongeki, ngeꞌä Jeoba bi huankägi pa gä häspäbi yä hogä notisia nuꞌu̱ yä mäxo. Näꞌä bi me̱nkägi pa gä bendabi nuꞌu̱ xä nxe̱ni yä koraso, pa gä anunsia ge ma dä gohi libre nuꞌu̱ yä esclavo ꞌne pa gä mää ge yä da nuꞌu̱ yä yꞌofadi ma dä xogi, 2 pa gä ungä ntꞌo̱de näꞌä je̱ya de rä hogä bolunta Jeoba, ꞌne näꞌä pa de rä bengansa mä Zi Dadahu̱, pa gä hoꞌti nuꞌu̱ zoni ko rä dumu̱i, 3 pa gä umbäbi näꞌä japäbi mꞌe̱di nuꞌu̱ tuyämu̱i po Sion, pa gä umbäbi nꞌa rä adorno pa yä ñäxu en lugar de yä ꞌmospi, ꞌne rä aseite de gä johya en lugar de rä dumu̱i, nꞌa rä hee de gä nsu en lugar de nꞌa rä mfeni de gä dumu̱i. ꞌNe nuꞌu̱ ma dä tꞌembäbi yä däta arbol de gä justisia ꞌne rä ꞌmotꞌi Jeoba, pa njabu̱ dä tꞌespäbiꞌä rä nsu. 5 «Yä nzo̱ho̱ ma dä mꞌu̱hni ꞌne ma dä madi ri taxohu̱, ꞌne yä nzo̱ho̱ ma dä motꞌä ri haihu̱ ꞌne ma dä su ri uä obxihu̱. 6 ꞌNe nuꞌähu̱, ma dä tꞌeñꞌähu̱ yä majhä Jeoba; nuꞌu̱ ma dä ꞌñeñꞌähu̱ yä ꞌme̱go mä Zi Dadahu̱. Nuꞌähu̱ ma gi tsihu̱ nuꞌu̱ yä ñho yä dähni, ꞌne ko nuꞌu̱ yä nsu, ma gi ꞌñexäse̱ ri nsuhu̱. 8 Ngeꞌä nuga, Jeoba, di mädi rä justisia; xa di u̱tsa rä mfe ꞌne nuꞌmu̱ hingi tꞌo̱tꞌe rä justisia. Nuga ma gä kumpli ꞌne ma gä umbäbi yä njutꞌi, ꞌne kongeꞌu̱ ma gä ja nꞌa rä kohi näꞌä ma dä dura pa nzäntho. 9 Nuꞌu̱ yä bätsi ma dä fädi ha yä dähni ꞌne ma dä fädi ha yä pueblo. Gatꞌho toꞌo dä hyandiꞌu̱, ma dä bädi ge go geꞌu̱ yä bätsi xä jäpi Jeoba.»