Mateo

3 Nuꞌmu̱ mi hudi ha rä monte de los Olivos, nuꞌu̱ yä de̱ni bi ꞌuege nꞌambu̱se̱ kongeꞌä, ꞌne bi ꞌñembäbi: «Xikägihe: ¿Hämꞌu̱ ma dä thogi nuya yä tꞌo̱tꞌe, ꞌne te mä seña ma gä hanthe, pa njabu̱ gä pähe hämꞌu̱ ma gi ꞌmu̱i kongekhe ꞌne hämꞌu̱ ma dä zo̱ho̱ rä fin de nuꞌu̱ yä tsꞌo tꞌo̱tꞌe ja ha rä xiꞌmhai?». 4 Rä Hesu bi ꞌñembäbiꞌu̱: «Xa dä nsuhu̱ pa hinto dä hyaꞌähu̱, 6 ꞌNehe ma dä nja yä gerra ꞌne ma gi yꞌo̱dehu̱ yä notisia de gehya. Ogi tsuhu̱, ngeꞌä nuya yä tꞌo̱tꞌe pe̱ꞌtsi te dä thogi, pe tobe hingä geꞌä rä fin. 7 Ngeꞌä yä dähni ma dä nju̱tsꞌi kontra märꞌa yä dähni ꞌne yä gobiernu kontra märꞌa yä gobiernu, ꞌne ma dä nja yä thuhu ꞌne yä mbiꞌmhai ha ndunthi yä luga de rä xiꞌmhai. 9 «ꞌNehe ma drä maltrataꞌihu̱ ꞌne ma dä thoꞌähu̱, ꞌne ha gatꞌho yä dähni ma dä tꞌu̱tsaꞌihu̱ po ränge mä thuhu. 13 Pe toꞌo dä ze̱ti asta rä fin geꞌä ma dä bongi. 14 ꞌNe nuya yä hogä notisia de rä Tsꞌu̱tꞌhui Äjuä, ma dä tꞌungä ntꞌo̱de ha gatꞌho rä xiꞌmhai, pa njabu̱ yä jäꞌi de gatꞌho yä dähni dä yꞌo̱de, ꞌnepu̱ dä zo̱ho̱ rä fin. 21 ngeꞌä ma dä nja nꞌa rä däta mbidi ja ngu näꞌä nunka xä nheki dende bi mu̱di rä xiꞌmhai asta mäpaya, hinä, nixi ma dä nheki mä nꞌa nguꞌä. 30 ꞌNepu̱ ma dä nheki ha mähetsꞌi nꞌa rä señä de rä Tꞌu̱ rä Mexiꞌmhai, ꞌne gatꞌho yä hnini de rä xiꞌmhai ma dä nzoni ꞌne ma dä fe̱ꞌmi yä tiñä ko rä u̱gi. ꞌNe nuꞌu̱ ma dä hyandi hanja rä Tꞌu̱ rä Mexiꞌmhai ma dä ꞌñehe ha yä gui ko ndunthi rä tsꞌe̱di ꞌne rä nsunda. 32 »Nubye̱ pädihu̱ de nunä ejemplo de rä ꞌmai rä igo: Ngu xti mu̱di dä rꞌoho ꞌne dä bo̱ho̱ yä xii, nuꞌähu̱ gi pädihu̱ ge rä verano ya ꞌmu̱i getbu̱. 33 Njabu̱ nuꞌähu̱ ꞌnehe, ora xki hyandihu̱ gatꞌho nuya yä tꞌo̱tꞌe, pädihu̱ ge näꞌä, ya ꞌmu̱pu̱ getbu̱ ha yä goxthi. 34 Mäjuäni nuga di xiꞌähu̱ ge nunä generación hingä ma dä thogi, asta dä thogi mꞌe̱tꞌo gatꞌho nuya yä tꞌo̱tꞌe. 36 »Nde, hinto pädi te mä pa ꞌne te mä ora, hingi pädi nixi yä e̱nxe̱ de mähetsꞌi nixi rä Tꞌu̱; ho̱nse̱ rä Dada go geꞌä pädi. 37 Ngeꞌä ja ngu mi nja ha nuꞌu̱ yä pa rä Noé, ma dä njabu̱ xti mꞌu̱i kongekhu̱ näꞌä rä Tꞌu̱ rä mexiꞌmhai. 40 ꞌNepu̱ yoho yä ñꞌo̱ho̱ dri yꞌo ha yä huähi: nꞌaa ma dä tsꞌitsꞌi ꞌne näꞌä mä nꞌaa ma dä tsꞌopu̱. 41 Yoho yä ꞌme̱hñä dri ku̱ni ko rä mulinu de gä yꞌe̱: nꞌaa ma dä tsꞌitsꞌi ꞌne näꞌä mä nꞌaa ma dä tsꞌopu̱. 42 Hänge ñhokihu̱ ꞌne ndo̱ꞌmihu̱, ngeꞌä nuꞌähu̱ hingi pädihu̱ te mä pa ma dä ꞌñepu̱ ri Hmuuhu̱. 43 ”Pe pädihu̱ xä ñho: mu̱ näꞌä rä dueñu de rä nguu xä bädihmä te mä ora de rä xui ma xä zo̱ho̱ rä be, näꞌä hinxä ñꞌähähmä ꞌne hinxä hyopäbi toꞌo xä yu̱tꞌi ha rä nguu. 44 Po rängeꞌä, nuꞌähu̱ ꞌnehe ꞌñudihu̱ ge xkä ñhokihu̱, ngeꞌä näꞌä rä Tꞌu̱ rä mexiꞌmhai ma dä ehe ha nꞌa rä ora näꞌä hingi to̱ꞌmihu̱. 45 «¿Toꞌo näꞌä rä ꞌme̱go, rä hogä yꞌo̱de ꞌne xa ja rä mfeni, näꞌä xä huahni rä hmuu pa dä supäbi nuꞌu̱ märꞌa yä ꞌme̱go ꞌne pa dä umbäbi rä ñhuni ora mähyoni? 46 ¡Dä johya näꞌä rä ꞌme̱go mu̱ xti zo̱ho̱ rä hmuu, dä zu̱di di pe̱fi njabu̱! 47 Xa mäjuäni di xiꞌähu̱, näꞌä go ma dä yꞌe̱ntꞌuäbi ha yä yꞌe̱ gatꞌho näꞌä pe̱ꞌtsi.