Proverbios

5 Hyoni dä nja ri mfädi, hyoni dä nja ri juisio. Ogi pumfri ꞌne ogi ꞌuege de näꞌä xtä xiꞌäꞌi. 6 Ogi he̱gi, ꞌne näꞌä ma dä suꞌäꞌi. Xa dä mädi, ꞌne näꞌä ma dä ñäñꞌäꞌi. 7 Rä mfädi geꞌä xa mähyoni. Hänge hyoni rä mfädi, ꞌne ko ngatꞌho näꞌä gi tini, hyonibye̱ hanja gi ntiende. 13 Pe̱ntꞌi rä disciplina ꞌne ogi he̱gi dä ma. Jamäsu, ngeꞌä gehnä ma dä rꞌaꞌi ri te. 18 Pe rä ꞌñuu nuꞌu̱ o̱tꞌe näꞌä xä ñho ꞌñenä näꞌä rä hyaꞌtsi yꞌo ri hue̱xki de gä xudi, yꞌo ri hue̱xki asta xa dä hyatsꞌi xä ñho. 23 De gatꞌho nuꞌu̱ yä tꞌo̱tꞌe di debe gi su, su ri koraso, ngeꞌä ja bi eheni rä te.