1 Corintios

16 Hänge mu̱ di ungä ntꞌo̱de nuꞌu̱ yä hogä notisia, hingä pa gä ñꞌetsꞌi. Ngeꞌä di pädi xä ñho ge gehnä mä obligasio. ¡Kätegi mu̱ hingä ungä ntꞌo̱de nuya yä hogä notisia! 17 Mu̱ ko ngatꞌho mä ganä di ungä ntꞌo̱de nuya yä hogä notisia, ma dä tꞌakägi nꞌa rä thähä. Pe mu̱ di pe̱fi njabu̱ mäske hingi ja mä paha nixi mä ganä, di pe̱fi njabu̱ ngeꞌä di pädi ge gehnä rä responsabilida xä tꞌakägi. 22 Ko nuꞌu̱ otho yä tsꞌe̱di xtä o̱tꞌe ge otho mä tsꞌe̱di ꞌnehe, kontal gä tähä nuꞌu̱ otho yä tsꞌe̱di, xtä o̱tꞌe gatꞌho yä tꞌo̱tꞌe po ränge yä jäꞌi de gatꞌho yä klase, xtä o̱tꞌe gatꞌho näꞌä xä za, pa dä bongi rꞌa de geꞌu̱. 25 Gatꞌho nuꞌu̱ ku̱tꞌi ha nꞌa rä tähä pe̱ꞌtsi te dä dominä gatꞌho näꞌä pe̱fi. Di pädihu̱ ge nuꞌu̱ pe̱fi njabu̱ pa dä dähä nꞌa rä koronä näꞌä hindi dura, pe nuju̱ pa gä tähähu̱ näꞌä koronä näꞌä ma dä dura pa nzäntho. 26 Ngeꞌä nuga di nextꞌihi, pe hindi nextꞌihi nsinke gä pädi habu̱ gä ma; ꞌne ora di uni yä ñu̱ntꞌi, hindi uni pa go gä yu̱ntꞌi rä ndähi.