Colosenses

2 Hñuxä ri mfenihu̱ ha nuꞌu̱ yä tꞌo̱tꞌe de mäñä, hingä ha nuꞌu̱ yä tꞌo̱tꞌe jaua ha rä xiꞌmhai. 5 Hänge hyohu̱ nuꞌu̱ yä nkꞌatꞌi pe̱ꞌtsi ri ndoyꞌohu̱ jaua ha rä xiꞌmhai, ngu nuꞌu̱ yä pekado o̱tꞌe yä ñätsa jäꞌi ko yä ndoyꞌo, de gatꞌho näꞌä hingi tꞌaxi, de nuꞌu̱ yä nkꞌatꞌä jäꞌi, de yä tsꞌo nkꞌatꞌi ꞌne de yä nkꞌatꞌi de näꞌä pe̱ꞌtsi märꞌaa, ngeꞌä ja rä ue̱nda ge gi xo̱kämbenihu̱ yä imagen. 6 ꞌNe po ränge nuya yä tꞌo̱tꞌe, ma dä ꞌñepu̱ rä kue̱ Äjuä. 9 Ogi ñhatꞌihu̱ nꞌa ngu mänꞌaa. Mo̱gehu̱ de näꞌä ri ndäxjua mꞌu̱ihu̱ ko nuꞌu̱ yä nzäi, 10 ꞌne ñhehu̱ ko näꞌä rä rꞌayꞌo hogä mꞌu̱i, näꞌä po mäde de rä mfädi xa mäjuäni, yꞌo di nꞌayꞌo ja ngu rä mꞌu̱i Näꞌä toꞌo bi hyoki, 13 Sigi gi mpe̱spä pasensiahu̱ ꞌne mpumbäbihu̱ nꞌa ngu mänꞌaa, asta mu̱ gi pe̱ꞌtsu̱ nraso pa gi kehahu de märꞌaa̱. Rä Zi Dada Jeoba xä punꞌäꞌihu̱ ndunthi, hänge pe̱fihu̱ njabu̱ ꞌnehe. 14 Pe hingä ho̱nse̱ꞌä. ꞋNehe ñhehu̱ ko rä mhäte, ngeꞌä rä mhäte geꞌä ma dä jaꞌähu̱ gi mꞌu̱ihu̱ unido. 15 ꞌNe näꞌä rä tsaya bi ehe de rä Kristo, dä dominä ha ri korasohu̱, ngeꞌä nuꞌähu̱ bri tsꞌohnäꞌihu̱ pa gi formähu̱ nꞌadä rä ndoyꞌo. ꞌNehe ꞌñudihu̱ ge gi jamädihu̱. 23 Gatꞌho näꞌä gi pe̱fihu̱, jahu̱ ko ngatꞌho ri ganähu̱. Ja ngue̱nda ge gi pe̱päbihu̱ rä Zi Dada Jeoba ꞌne hingä yä jäꞌi, 24 ngeꞌä gi pädihu̱ ge de rä Zi Dada Jeoba ma gi hñänihu̱ näꞌä rä erensia ngu nꞌa rä thähä. Mꞌe̱gohu̱ pa rä Kristo, näꞌä ma zi Hmuuhu̱.