1 Corintios

9 Pe mu̱ hingi tsa gi dominähu̱ ri ndoyꞌohu̱, nthätihu̱, ngeꞌä mänꞌa xä ñho toꞌo dä nthäti ke dä ñꞌobu̱ xa di tsu̱di yä nkꞌatꞌä jäꞌi. 10 Nuꞌu̱ xä nthäti di umbäbi yä tsꞌofo, hingo di mänse̱, go mängä rä zi Hmuu, ge rä ꞌme̱hñä hingi debe dä zopu̱ rä däme. 11 Pe mu̱ dä desidi dä zopu̱, hingi debe dä nthäti mänꞌaki, mänꞌa dä hogi dä mengi ko rä däme; ꞌne rä däme hingi debe dä zopu̱ rä ꞌme̱hñä. 31 ꞌne nuꞌu̱ toꞌo di usa nunä rä xiꞌmhai, dä nja ngu nuꞌu̱ toꞌo hingi usa mäxo̱ge; ngeꞌä nunä rä xiꞌmhai yꞌo ri mpadi. 32 Nuga gä hohmä gi mꞌu̱ihu̱ nsi yä dumu̱i. Nꞌa rä ñꞌo̱ho̱ näꞌä hinxä nthäti ho̱nse̱ turämu̱i po näꞌä adi rä zi Hmuu, ꞌne prokura dä gohi xä ñho ko rä zi Hmuu. 33 Pe nꞌa rä ñꞌo̱ho̱ näꞌä xä nthäti turämu̱i po nuꞌu̱ yä kosa de nunä xiꞌmhai, de hanja dä gohi xä ñho ko rä ꞌme̱hñä, 36 Pe mu̱ nꞌa rä jäꞌi di mbeni ge hingä geꞌä pe̱fi ko rä ndoyꞌo, ꞌne mu̱ hingä ja fu̱di dä mbäsjäꞌi, ꞌne geꞌä ri ꞌñehe dä me̱fi: hye̱gihu̱ dä me̱fihu̱ näꞌä go dä ne; näꞌä hingi o̱tꞌe nꞌa rä pekado. Dä nthäti. 38 Hänge toꞌo di nthäti pe̱fi xä ñho, pe toꞌo desidi hindä nthäti mänꞌa pe̱fi xä ñho. 39 Mentä di te rä däme, nꞌa rä ꞌme̱hñä pe̱ꞌtsi te dä mꞌu̱hui rä däme. Pe mu̱ dä du näꞌä rä däme, ꞌmu̱i libre pa dä nthätui kontoꞌo go dä ne, pe ho̱nse̱ mu̱ di pe̱päbi Äjuä ꞌnehe.