Hebreos

13 Sigi gi ꞌñudihu̱ näꞌä rä hogä mhäte de gä ku, 4 Yä medinthäti pe̱ꞌtsi te dä mꞌu̱i xä ntꞌaxi entre gatꞌho yä jäꞌi, ꞌne dä mꞌu̱i xä ntꞌaxi rä fidi de gä medinthäti, ngeꞌä Äjuä ma dä hñämpäbi ngue̱nda nuꞌu̱ yä ꞌñätsa jäꞌi o̱tꞌe yä pekado ko yä ndoyꞌo ꞌne nuꞌu̱ toꞌo hatꞌi yä däme o yä ꞌme̱hñä. 5 Ha ri mꞌu̱ihu̱ hindi debe dä nja yä nkꞌatꞌä bojä, ꞌne johyahu̱ ko nuꞌu̱ yä kosa ya gi pe̱ꞌtsihu̱. Ngeꞌä näꞌä xä ꞌñenä: «Nuga nunka ma gä he̱kꞌäse̱ ꞌne nunka ma gä bandonäꞌi». 6 Hänge ko ngatꞌho rä komfiansa dä za gä eñhu̱: «Rä Zi Dada Jeoba go geꞌä mä mfatsꞌi. Hingä ma gä ntsu. ¿Te dä za dä yꞌo̱tkägi nꞌa rä jäꞌi? 7 Benihu̱ toꞌo gu̱tꞌi rä ꞌñuu entre geꞌähu̱, nuꞌu̱ toꞌo xä xiꞌähu̱ de rä noya Äjuä. Hyandihu̱ näꞌä rä hogä mꞌu̱i tsitsꞌi ꞌne de̱mbäbihu̱ yä ejemplo. 16 Nehe, ogi pumfrihu̱ gi o̱ꞌtuähu̱ rä ñho märꞌaa ꞌne gi umfu̱ de näꞌä gi pe̱ꞌtsihu̱, ngeꞌä nuya yä sacrificio xa di ho Äjuä. 17 Yꞌo̱tehu̱ nuꞌu̱ yä ku di gu̱tꞌi rä ꞌñuu entre geꞌähu̱ ꞌne pe̱fihu̱ näꞌä xiꞌähu̱, ngeꞌä nuyu̱ di suꞌäꞌihu̱ ꞌne ma dä ungä ngue̱nda de geꞌähu̱; pa njabu̱ nuyu̱ dä suꞌähu̱ ko rä johya ꞌne hindä japi xä ñhei, ngeꞌä mu̱ hingi jahu̱bu̱, go ma gi ñꞌu̱nse̱hu̱. 18 Sigi gi yꞌaphu̱ Äjuä po gekhe, ngeꞌä di ꞌmu̱ihe kombensido ge hinte xtä o̱the pa dä u̱ngägihe mä mfenihe, ꞌne di nehe gä ñꞌonradohe ha gatꞌho yä tꞌo̱tꞌe.