Nehemías

8 ꞌNe nuꞌu̱ bi sigi bi hñeti ntsꞌe̱di näꞌä rä mfistꞌofo habu̱ mi hutsꞌi rä Ley näꞌä xa mäjuäni Äjuä ꞌne bi esplika xä ñho te ri bo̱ni nuꞌu̱ yä noya. Njabu̱ nuꞌu̱ bi matsꞌi yä jäꞌi dä ntiende näꞌä mi theti. 9 ꞌNepu̱ Nehemías —näꞌä mrä gobernador de geꞌmu̱—, ꞌne Esdras —näꞌä mrä majhä ꞌne mi dedika dä kopia rä Ley— ꞌne yä levita nuꞌu̱ mi uti yä jäꞌi, bi ꞌñembäbi gatꞌho rä hnini: «Nubye̱ nunä nꞌa rä pa xä mäkä ntꞌaxi pa Jeoba ri Zi Dadahu̱. Ogi zonihu̱ nixi ogi däntsꞌihu̱». Ngeꞌä gatꞌho rä hnini xa mi zoni ora bi yꞌo̱de nuꞌu̱ yä noya de rä Ley. 10 Näꞌä bi ꞌñembäbiꞌu̱: «Gi mahu̱, guä tsihu̱ nuꞌu̱ yä hogä ñhuni ꞌne guä tsihu̱ nuꞌu̱ yä bebida xä ñꞌu, ꞌne pe̱mpäbihu̱ rä ñhuni nuꞌu̱ hingi jabi. Ngeꞌä nubye̱ nunä nꞌa rä pa xä mäkä ntꞌaxi pa mä Zi Hmuuhu̱. Ogi turimu̱ihu̱, ngeꞌä näꞌä rä johya bi ehe de rä Zi Dada Jeoba geꞌä ri tsꞌe̱dihu̱». 11 ꞌNe yä levita bi hoꞌti gatꞌho yä jäꞌi ꞌne mi embäbi: «Ogi zonihu̱, nunä nꞌa rä pa xä mäkä ntꞌaxi. Ogi turimu̱ihu̱».