Génesis

14 Pe xti maꞌi xä ñho, bengägi. Po rä mäte, oxki ma gi fayagi ꞌne ñä xä ñho de geki ora gi ma ko faraón, pa njabu̱ näꞌä dä maxkägi gä po̱ni de gekua. 20 Rä hñupaꞌä, bi zo̱ho̱ rä kumpleañu rä faraón. Hänge rä faraón bi yꞌo̱tꞌe nꞌa rä däta ngo pa gatꞌho yä ꞌme̱go, ꞌne bi mända dä tsꞌimpäbi näꞌä rä jefe de nuꞌu̱ yä hñäxä binu ꞌne näꞌä rä jefe de nuꞌu̱ yä hyokä thuhme ante yä thandi gatꞌho nuꞌu̱ yä ꞌme̱go. 21 ꞌNepu̱ faraón bi umbäbi mänꞌaki rä puesto näꞌä rä jefe de nuꞌu̱ yä hñäxä binu, pa go geꞌä bi sigi bi umbäbi rä binu faraón. 22 Pe rä faraón bi mända dä the̱kuäbi rä ñäxu ꞌne dä tsꞌu̱ti näꞌä rä jefe de nuꞌu̱ yä hyokä thuhme. Bi thogi ja ngu José xki xipäbiꞌu̱.