1 Tesalonicenses

3 Ngeꞌä gehnä rä bolunta Äjuä, ge nuꞌähu̱ gi ꞌmu̱hu̱ xä ntꞌaxi ꞌne ogi o̱thu̱ nuꞌu̱ yä pekado o̱tꞌe yä ꞌñätsa jäꞌi ko yä ndoyꞌo. 4 Kada nꞌa de geꞌähu̱ mähyoni gi pädi gi dominähu̱ ri ndoyꞌohu̱ pa gi pe̱fihu̱ nuꞌu̱ yä tꞌo̱tꞌe xä ntꞌaxi ꞌne xä nsunda, 5 pe hinge gi pe̱ꞌtsihu̱ yä nkꞌatꞌä jäꞌi, ja ngu nuꞌu̱ pe̱ꞌtsi nuꞌu̱ yä jäꞌi hingi pädi de Äjuä. 6 Hinto debe dä thogi de nuꞌu̱ yä limite ja, nixi dä aprobecha de rä ku ha nunä asunto, ngeꞌä Jeoba xä hñutsꞌi rä kastigo po gatꞌho nuya yä tꞌo̱tꞌe, ja ngu ya xtä xiꞌähe ꞌne ya xtä adbertiꞌihe ntsꞌe̱di. 11 Jamäsuhu̱ de gi pe̱ꞌtsihu̱ nꞌa rä mꞌu̱i temäꞌentho ꞌne jamäsuhu̱ nuꞌu̱ ri asuntose̱hu̱ ꞌne mpe̱fihu̱ ko ri yꞌe̱hu̱, ja ngu xtä utꞌäꞌihe. 17 ꞌNepu̱, nuju̱ grä tehu̱, toꞌo gä pongihu̱, ma dä tsꞌixkägihu̱ mähye̱gi kongeꞌu̱ ha yä gui pa gä nthe̱uihu̱ rä Hmuu ha rä ndähi; ꞌne njabu̱ ma gä ꞌmu̱ihu̱ nzäntho ko rä Hmuu.