Levítico

5 »”Mu̱ nꞌa rä jäꞌi bi yꞌo̱de, bi testigo, bi hyandi ꞌne bi bädi de nꞌa rä tsꞌoki bi tꞌo̱tꞌe ꞌne näꞌä hinte bi mää, nuꞌmu̱ näꞌä jäꞌi xä peka kontra Äjuä ꞌne pe̱ꞌtsi te dä dädi po rä error ngeꞌä hinte bi mää. 7 Pe mu̱ näꞌä jäꞌi hingi tsu̱päbi pa dä uni nꞌa rä de̱ti, dä za dä ñhäꞌspäbi rä Zi Dada Jeoba yoho yä domitsu o yoho yä picho de gä ofrenda po näꞌä rä pekado xä yꞌo̱tꞌe: Nꞌaa, ma dä uni de gä ofrenda po rä pekado, ꞌne näꞌä mä nꞌaa pa nuꞌu̱ yä ofrenda di tsꞌätꞌi. 11 Pe mu̱ hingi tsu̱päbi pa dä uni yoho yä domitsu o yoho yä picho de gä ofrenda po näꞌä rä pekado xä yꞌo̱tꞌe, nuꞌmu̱ de näꞌä rä tꞌe̱ni efa ho̱nse̱ ma dä uni thogi nꞌa zi tu̱i de yo litro de näꞌä rä hogä arina. Hindi debe dä japäbi rä aseite nixi rä tꞌutsꞌi de gä olíbano, ngeꞌä nunä nꞌa rä ofrenda po näꞌä rä pekado xä yꞌo̱tꞌe.