Romanos

13 Gatꞌho yä jäꞌi debe dä yꞌo̱te yä autorida, ngeꞌä Äjuä go xä hyopäbi dä mända; nuꞌu̱ yä autorida ja mäpaya, Äjuä go xä hyopi dä mända po mientra. 5 Po rängeꞌä nuꞌähu̱ debe gi yꞌo̱tehu̱; hingä ngeꞌä gi tsuhu̱ dä kastigaꞌihu̱, sino pa dä mꞌu̱i tranquilo ri konsiensiahu̱. 6 Po geꞌä ꞌnehe gi jutꞌihu̱ ri impuestohu̱; ngeꞌä nuꞌu̱ pe̱ꞌtsi rä autorida, nuꞌu̱ yä me̱fi Äjuä ꞌne hyaxtho fatsꞌi yä jäꞌi. 7 Gatꞌho umbäbihu̱ näꞌä di correspondebi: toꞌo adi yä impuesto, umbäbihu̱ näꞌä rä impuesto adi; toꞌo adi nꞌa rä kota, umbäbihu̱ näꞌä rä kota adi; toꞌo adi gi pe̱ꞌspäbi rä ntsu, pe̱ꞌspäbihu̱ rä ntsu; toꞌo adi rä tꞌekꞌei, umbäbihu̱ rä tꞌekꞌei.