Salmos

139 Oh Jeoba, nuꞌi xkä xengägi mäxo̱ge, ꞌne nuꞌi gi päkägi xä ñho. 2 Nuꞌi gi pädi ora ma gä hudi ꞌne ora ma gä nangi. Nuꞌi dende yabu̱ gi da ngue̱nda näꞌä di mbeni. 3 Nuꞌi gi handi ora di yꞌo ha nꞌa rä ꞌñuu ꞌne habu̱ di kohi pa gä ntsaya; ꞌNehe gi pädi xä ñho gatꞌho näꞌä di pe̱fi. 4 Änte de dä bo̱ni nꞌa rä noya ha mä ne, ¡nuꞌi, oh Jeoba!, ya gi pädi gatꞌho näꞌä ma gä mää. 5 Nuꞌi gi theskägi pa gi sugägi, ꞌne gi gu̱nkägi. 6 Näꞌä rä mfädi gi pe̱ꞌtsi, xa rä dängi ꞌne mä mfeni hingi tsu̱di dä bädi gatꞌho. 13 Ngeꞌä nuꞌi go gä hoki mä riñu; nzäntho gä sugägi nuꞌmu̱ ndi o ha rä mu̱i mä nänä. 14 Di nsundaꞌi ngeꞌä di handi ge xkä hyogägi xa mähotho. Di pädi xä ñho ge gatꞌho näꞌä xkä hyoki, xkä hyoki xa mähotho. 15 Mä ndoyꞌo himbi ntꞌägi de Geꞌi, nuꞌmu̱ dä fu̱di dä te ha näꞌä rä luga habu̱ hinto mi tsa dä hyanꞌgägi. 16 Ri da bi hyandi nuꞌmu̱ dä fu̱di dä po̱ho̱ ha rä mu̱i mä nänä; ꞌne änte de xä bo̱ho̱ kada nꞌa de nuꞌu̱ mä ndoyꞌo, ha ri libro ya mi hutsꞌi hämꞌu̱ ma xä zo̱ho̱ xä nxo̱ge kada nꞌa de geꞌu̱. 17 Hänge pa geki, ¡xa mähotho nuꞌu̱ ri mfeni! Oh Zi Dada, ¡hängu rä ndunthi nuꞌu̱ ri mfeni! 23 Xengägi mäxo̱ge, oh Äjuä, ꞌne hyandi te ja mbo ha mä koraso. Xengägi asta mboo ꞌne hyandi nuꞌu̱ yä mfeni jaki gä tumämu̱i. 24 Hyandi mu̱ jabu̱ nꞌa rä tsꞌo mfeni näꞌä dä za dä zixkägi gä pe̱fi näꞌä xä ntsꞌo, ꞌne gu̱nkägi po näꞌä rä ꞌñuu tsitsꞌi ha rä te pa nzäntho.