Eclesiastés

4 Ora te gi prometebi Äjuä, jutꞌi nguntꞌä, ngeꞌä näꞌä hingi numäñho nuꞌu̱ hingi kumpli näꞌä mää. Näꞌä gi promete, jutꞌi. 5 Mu̱ gi handi ge hingä ma dä za gi kumpli, mänꞌa dä hogi hinte gi promete. 18 Nunä gehnä xtä handi ge xä ñho ꞌne geꞌä ri ꞌñehe: ge rä mexiꞌmhai dä ñuni ꞌne dä ntsithe ꞌne dä dini rä johya po näꞌä rä ꞌme̱fi di ja nuua ha rä xiꞌmhai durante nuꞌu̱ yä pa xä umbäbi nse̱ki Äjuä dä mꞌu̱i, ngeꞌä geꞌä rä thähä.