Proverbios

3 Ogi he̱gi näꞌä rä mhäte nunka faya ꞌne näꞌä mäjuäni, thätꞌi ha ri yꞌu̱ga ꞌne yꞌofo ha ri koraso; 4 mu̱ gi jabu̱, Äjuä ꞌne yä jäꞌi ma dä numäñhoꞌi ꞌne nuꞌu̱ ma dä hyantꞌäꞌi ngu nꞌa rä jäꞌi näꞌä pädi dä hyandi ꞌne dä me̱fi näꞌä xä ñho. 5 Pe̱ꞌtsuäbi rä komfiansa Jeoba ko ngatꞌho ri koraso, ꞌne ogi pe̱fi näꞌä gi mbenise̱. 6 Yꞌo̱tꞌeꞌä ngue̱nda habu̱ gatꞌho gi yꞌo, ꞌne Näꞌä ma dä gu̱hnäꞌi ha ri ꞌñuu. 9 ꞌÑeꞌspäbi rä nsu Jeoba ko nuꞌu̱ yä ñho gi pe̱ꞌtsi, ꞌne ko nuꞌu̱ yä mu̱di sofo de gatꞌho ri ꞌmotꞌi; 10 nuꞌmu̱ ri bodega ma dä ñutsꞌi xä ñho, ꞌne nuꞌu̱ ri tinä de gä binu asta ma dä dontsꞌi ko rä rꞌayꞌo binu. 11 Mä zi iho, ogi rechazabi rä disciplina Jeoba, ꞌne ogi u̱tsabi rä tsꞌofo. 12 Ngeꞌä Jeoba tsu̱i nuꞌu̱ di mädi, ja ngu nꞌa rä dada rꞌabu̱ tsu̱i rä bätsi ngeꞌä di mädi. 13 ꞌMu̱i temäꞌentho ꞌne pe̱ꞌtsi rä johya näꞌä rä jäꞌi tini rä hogä mfädi, ꞌne näꞌä rä jäꞌi pädi dä hyandi ndaꞌä xä ñho ꞌne ndaꞌä hinä. 21 Zi iho, ogi häki de ri da nuya yä tꞌo̱tꞌe. Jamäsu ꞌne pe̱fi näꞌä xtä xiꞌäꞌi ꞌne usa ri mfeni; 23 Njabu̱ ma gi yꞌo xä ñho ha ri ꞌñuu, ꞌne ri ua nunka ma dä mfeꞌtse. 27 Ogi he̱gi de gi yꞌo̱ꞌtuäbi näꞌä xä ñho nuꞌu̱ toꞌo di japäbi mꞌe̱di mu̱ hää gi pe̱ꞌtsi konte gi mfaxte. 28 Ogi embäbi ri mikꞌei: «¡Gi ma; ꞌne guä pengi mꞌe̱fa! Xudi gä rꞌaꞌäꞌi näꞌä gi honi», kuando gi pe̱ꞌtsibye̱ konte gi fatsꞌi. 32 Ngeꞌä Jeoba xa di u̱tsa nuꞌu̱ yä gu̱xä nkꞌuamba, pe Näꞌä pe̱ꞌtsi nꞌa rä hogä ntsitsꞌi ko nuꞌu̱ mängä näꞌä mäjuäni ꞌne pe̱fi näꞌä xä ñho.