1 Timoteo

5 Hää, pe̱fi nunä mhända pa njabu̱ ri mhäte dä bo̱ho̱ de nꞌa rä koraso näꞌä xä ntꞌaxi ꞌne de nꞌa rä hogä konsiensia ꞌne de nꞌa rä jamfri näꞌä hingä rä yohmi. 11 ja ngu mängä nuꞌu̱ yä hogä notisia de näꞌä rä Zi Dada de gä johya. 12 Di umbäbi njamädi mä zi Hmuuhu̱ rä Ñhesukristo. Näꞌä bi rꞌakägi rä tsꞌe̱di, ngeꞌä näꞌä bi nugägi ngu nꞌa rä hogä ꞌme̱go hänge bi rꞌakägi nꞌa rä mäkä ꞌme̱fi, 13 mäske mä mꞌe̱tꞌo ndrä tsꞌomꞌu̱i ꞌne ndi u̱tsa nuꞌu̱ yä gamfri. Pe bi tꞌutkägi rä ñhuekäte ngeꞌä hingä ndi pädi näꞌä ndi pe̱fi ꞌne mä jamfri himi ꞌmu̱i xä ñho. 14 Pe rä ñhojäꞌi mä zi Hmuuhu̱ xi rä dängi, mähye̱gi ko näꞌä rä jamfri ꞌne rä mhäte ja ha Ñhesukristo. 15 Nuya yä noya xa mäjuäni ꞌne ri ꞌñepi dä ꞌme̱ꞌtsuäbi rä komfiansa ꞌne di debe drä asepta: ge Ñhesukristo bä ehe ha rä xiꞌmhai pa dä ñäni yä yꞌo̱tꞌä tsꞌoki. De gatꞌhoꞌu̱, go mänꞌa drä yꞌo̱tꞌä tsꞌoki.