1 Tesalonicenses

5 Zi kuhu̱, de nuꞌu̱ yä tiempo ꞌne yä pa hingi ja mꞌe̱di toꞌo dä yꞌopꞌäꞌihu̱, 2 ngeꞌä nuꞌähu̱ gi pädihu̱ xä ñho ge rä pa Jeoba ma dä ꞌñehe ngu nꞌa rä be de gä xui. 3 Ora xti ꞌñenäꞌu̱: «¡Por fin bi zo̱ho̱ nꞌa rä mꞌu̱i temäꞌentho!», xti dämfri, Äjuä ma dä huati gatꞌho. ꞌÑenä nꞌa rä ꞌme̱hñä näꞌä datꞌhi; ora bi mu̱di yä u̱gi, otho rä duda ge ma dä mꞌu̱i rä bätsi. Njabu̱ ꞌnehe, hinte mä duda ja ge nuꞌu̱ yä tsꞌomꞌu̱i jäꞌi ma drä huati. 8 Pe nuju̱ di pertenesehu̱ ha näꞌä rä hyaꞌtsi ja de gä pa. Hänge ma gä ꞌmu̱hu̱ ko mä juisiohu̱ ꞌne ma gä hehu̱ mä jamfrihu̱ ꞌne rä mhäte ngu nꞌa rä coraza, ꞌne ma gä huꞌtsihu̱ ngu nꞌa rä casco näꞌä rä humu̱i di pe̱ꞌtsihu̱; 11 Hänge, sigi gi hñuꞌmpämu̱ihu̱ nꞌa ngu mänꞌaa ꞌne nupämfenihu̱ nꞌa ngu mänꞌaa, ja ngu ya gi jahu̱. 12 Nubye̱ nuje di bänteꞌihe, zi kuhu̱, ge gi umbäbihu̱ rä tꞌekꞌei nuꞌu̱ yä ku di mpe̱fi ndunthi entre geꞌähu̱ ꞌne di gu̱tꞌi rä ꞌñuu pa di ja rä ꞌme̱fi rä Hmuu ꞌne rꞌaꞌähu̱ yä tsꞌofo; 13 ꞌne ko rä mhäte umbäbihu̱ ndunthi rä konsiderasio po näꞌä rä ꞌme̱fi di jaꞌu̱. ꞌNehe ntsitsꞌihu̱ xä ñho nꞌa ngu mä nꞌaa. 17 Xatuäbihu̱ njatꞌä Äjuä. 18 ꞌNe umbäbihu̱ njamädi po gatꞌho. Gehnä rä paha Äjuä pa gatꞌho nuꞌähu̱ gi de̱nihu̱ rä Kristo. 19 Ogi hueꞌtihu̱ rä tsibi rä espiritu. 21 Hyanthu̱ mu̱ mäjuäni gatꞌho yä tꞌo̱tꞌe; ꞌne xa dä pe̱ntꞌihu̱ näꞌä xä ñho.