Santiago

7 Po rängeꞌä zi kuhu̱, pe̱ꞌtsihu̱ rä pasensia asta xki zo̱ho̱ rä zi Hmuu. Hyandihu̱ nuꞌmu̱ nꞌa rä jäꞌi di mpotꞌi; näꞌä ko rä pasensia to̱ꞌmi dä dagi yä mu̱di ꞌne yä gäxä yꞌee ꞌne ko rä pasensia to̱ꞌmi dä hyandi dä te ꞌne dä xofo näꞌä bi motꞌi. 8 Pe̱ꞌtsihu̱ rä pasensia nuꞌähu̱ ꞌnehe; japhu̱ dä ze̱di ri korasohu̱, ngeꞌä ya ma dä zo̱ho̱ rä zi Hmuu. 13 ¿ꞌMu̱i nꞌa toꞌo di sufri entre geꞌähu̱? Dä xatuäbi Äjuä. ¿ꞌMu̱i nꞌa toꞌo di johya? Dä ntuhu yä salmo. 14 ¿ꞌMu̱i toꞌo di hñeni entre geꞌähu̱? Dä nzofo nuꞌu̱ yä anciano de rä mhuntsꞌi ꞌne po rä thuhu rä Zi Dada Jeoba dä ja nꞌa rä sadi po geꞌä ꞌne dä goxä rä aseite. 15 ꞌNe näꞌä rä sadi di tꞌo̱tꞌe ko nꞌa rä däta jamfri, ma dä japi dä hogi näꞌä jäꞌi di hñeni, ꞌne rä Zi Dada Jeoba go ma dä gu̱tsꞌi. ꞌNehe, mu̱ xä yꞌo̱tꞌe nꞌa rä pekado, ma dä hñäni rä mpumbäte. 16 Po rängeꞌä, dahu̱ ri pekadohu̱ nꞌa ngu mänꞌaa, ꞌne xadihu̱ nꞌa ngu mänꞌaa pa njabu̱ dä tꞌo̱theꞌihu̱. Rä sadi nꞌa rä jäꞌi näꞌä pe̱päbi xä ñho Äjuä, ja ndunthi rä tsꞌe̱di.