Mateo

8 Yꞌo̱thehu̱ nuꞌu̱ di hñeni, ju̱tsꞌihu̱ nuꞌu̱ xä du, yꞌo̱thehu̱ nuꞌu̱ tsu̱di rä lepra, yꞌe̱nihu̱ yä u̱xjua. Gratis gä hänihu̱; gratis ma gi unihu̱. 14 Mu̱ ha nꞌa rä nguu o ha nꞌa rä hnini hinto dä rꞌaꞌähu̱ ntsaya, nixi hindä ne dä yꞌo̱de näꞌä gi ne gi xipäbihu̱, xki po̱ñhu̱ de gehni fe̱kihu̱ nuꞌu̱ yä fonthai ja ha ri uahu̱. 15 Di aseguraꞌihu̱ ge xti zo̱ho̱ näꞌä rä Pa de gä Juisio mänꞌa ma dä mabi xä ñho Sodoma ꞌne Gomorra ke näꞌä hnini. 22 Gatꞌho yä jäꞌi ma dä u̱tsaꞌihu̱ ngeꞌä gi häxu̱ mä thuhu. Pe näꞌä toꞌo dä ze̱ti, geꞌä ma dä ñäni rä te. 23 Mu̱ dä tꞌu̱tsaꞌihu̱ ha nꞌa rä hnini, gi mahu̱ ha mä nꞌa lado. Ngeꞌä di aseguraꞌihu̱ ge hingä ma gi huadihu̱ gi predikahu̱ ha gatꞌho nuꞌu̱ yä hnini ja ha Israel, änte de dä zo̱ho̱ rä Tꞌu̱ rä Mexiꞌmhai. 28 ꞌNe ogi tsuhu̱ nuꞌu̱ toꞌo dä za dä hyo rä ndoyꞌo pe hindä za dä hyo rä alma; sino, tsuhu̱ näꞌä toꞌo dä za dä huati tanto rä alma ngu rä ndoyꞌo ha rä Gehena. 29 Di ꞌma yoho yä rꞌokne po nꞌa rä moneda näꞌä kasi hinte di bale, ¿hänge hää? Pe, ninꞌa de geꞌu̱ hingi tagi ha rä hai nsinke dä da ngue̱nda rä Dada. 30 Pe asta nuꞌu̱ yä xtää ja ha ri ñäxuhu̱ xä mꞌede gatꞌho. 31 Hänge ogi tsuhu̱; nuꞌähu̱ mänꞌa gi balehu̱ ke ndunthi yä rꞌokne. 34 Ogi mbenihu̱ ge dä hä nꞌa rä hogä ntsitsꞌi ha rä xiꞌmhai; hindä hä nꞌa rä hogä ntsitsꞌi, sino nꞌa rä majuai. 35 Ngeꞌä dä ehe gä heke yä jäꞌi: Nꞌa rä tꞌu̱ ma dä nkontraui rä dada, nꞌa rä tꞌixu ma dä nkontraui rä nänä, ꞌne nꞌa rä tsꞌihue̱ ma dä nkontraui rä suegra. 36 Hää, yä nkontra nꞌa rä jäꞌi ma dä ehe de rä nguse̱.