Mateo

5 Mientra rä Pedro tobe mi ñä, nse̱kitho nꞌa rä gui näꞌä xa mi hue̱xki gi goꞌmi gatꞌhoꞌu̱. ꞌNepu̱ de näꞌä gui bi ntꞌo̱de nꞌa rä voz näꞌä bi ꞌñenä: «Gehni mä Tꞌu̱ xa di mädi ꞌne xa di numäñho. Yꞌo̱tehu̱». 20 Näꞌä bi ꞌñembäbiꞌu̱: «Ngeꞌä tsꞌu̱tho näꞌä ri jamfri gi pe̱ꞌtsihu̱. Di aseguraꞌihu̱ ge mu̱ ri jamfrihu̱ drä dätahmä ngu nꞌa rä ndaa de gä mostasa, asta dä za gi ꞌñembäbihu̱ nunä tꞌo̱ho̱: “¡Joni de gekua!”, ꞌne näꞌä dä joni; ꞌne ma dä za gi pe̱fihu̱ gatꞌho näꞌä go gi nehu̱».