1 Pedro

3 Ogi he̱gihu̱ ge nuꞌu̱ yä tꞌo̱tꞌe di nheki geꞌu̱ dä nja ngu ri adornohu̱ —ngu nuꞌu̱ yä xtää xä mꞌetꞌe, nuꞌu̱ yä tꞌo̱tꞌe de gä oro ꞌne nuꞌu̱ yä dutu xa xä mädi— 4 mänꞌa dä hogi gi hyophu̱ dä nheki näꞌä ja mbo ha ri korasohu̱ ꞌne nzäntho gi pe̱ꞌtsihu̱ de gä adorno rä ñhojäꞌi ꞌne rä pasensia, ngeꞌä gehnä mänꞌa ja rä muui ha rä thandi Äjuä. 5 Geꞌä mi pe̱ꞌtsi ꞌnehe de gä adorno nuꞌu̱ yä ꞌme̱hñä mi pe̱ꞌspäbi rä jamfri Äjuä, ꞌne mi pe̱ꞌspäbi rä tꞌekꞌei yä däme, 7 Njabu̱ ꞌnehe, nuꞌähu̱ dämehu, sigihu̱ gi ꞌmu̱ihu̱ ko ri ꞌme̱hñähu̱ ꞌne komprendebihu̱. Pe̱ꞌtsuäbihu̱ rä tꞌekꞌei rä ꞌme̱hñä ꞌne jamäsuhu̱ ngu nꞌa rä baso näꞌä mänꞌa tsutho dä dehmi, ngeꞌä nuyu̱ ꞌnehe ma dä hñäni de gä erensia rä te pa nzäntho. Mu̱ gi pe̱fihu̱ njabu̱, ri sadihu̱ hinte ma dä estorbabi. 12 Ngeꞌä yä da Jeoba handi nuꞌu̱ o̱tꞌe näꞌä xä ñho ꞌne yä gu o̱tsꞌe ora xatuäbi, pe rä hmi Jeoba ꞌmu̱i kontra nuꞌu̱ pe̱fi yä kosa xä ntsꞌo». 15 Pe dende ha ri korasohu̱, nsundahu̱ rä Kristo ngu ri Hmuuhu̱, nzäntho xkä ñhokihu̱ pa gi presentahu̱ nꞌa rä defensa ante nuꞌu̱ toꞌo dä yꞌaꞌähu̱ yä prueba de näꞌä rä humu̱i gi pe̱ꞌtsihu̱, pe jahu̱ nsinke gi nkue̱hu̱ ꞌne ko ndunthi rä tꞌekꞌei. 16 Ogi pe̱fihu̱ nꞌa rä kosa näꞌä ma dä u̱ñꞌäꞌihu̱ ri mfenihu̱, ꞌne njabu̱ dä mäñꞌä dä mängä yä jäꞌi; nuꞌu̱ go dä ꞌme̱se̱ yä tsa ngeꞌä nuꞌähu̱ gi portahu̱ xä ñho ngu yä de̱niꞌihu̱ rä Kristo. 18 Ngeꞌä rä Kristo bi du nꞌa mꞌikitho ꞌne pa nzäntho po yä pekado yä jäꞌi. Mäske hinte mä tsꞌoki mi tu, näꞌä bi du po gatꞌho nuꞌu̱ yä yꞌo̱tꞌä tsꞌoki. Njabu̱ näꞌä di gu̱hnäꞌihu̱ pa gi kuatꞌihu̱ Äjuä. Näꞌä bi thopäbi rä ndoyꞌo, pe bi hñäni rä te ngu nꞌa rä espiritu. 19 ꞌNe njabu̱ bi sigi rä ꞌñuu ꞌne bi ma bä predikabi nuꞌu̱ yä espiritu o fadi, 21 Geꞌä ri bo̱ni rä xixtehe ꞌne nubye̱ geꞌä di salbaꞌihu̱ ꞌnehe (hingä pa gi hñäkihu̱ näꞌä rä hyaki de ri ndoyꞌohu̱, sino pa gi ꞌñudihu̱ ge gi ꞌmu̱ihu̱ desidido gi pe̱päbihu̱ Äjuä ko nꞌa rä hogä konsiensia) po mäde de Ñhesukristo, näꞌä bi nangi de rä du.