1 Reyes

5 Pe Adonías, nꞌa rä tꞌu̱ David näꞌä bi me̱ꞌtsi ko nꞌa rä ꞌme̱hñä rä thuhu Haguit, mi exä rä nsu ꞌne mi enä: «¡Nubye̱ go ma gä nrey!». Adonías bi mända dä thokuäbi nꞌa rä tsanza ꞌne yä to̱ge ꞌne 50 yä ñꞌo̱ho̱ pa dä ma ndelante de geꞌä. 6 Pe rä rey David nunka xki ꞌñembäbi Adonías: «¿Por hanja gi ne gi pe̱fi njabu̱?». Adonías xki mꞌu̱i mꞌe̱fa de Absalón ꞌne xa mi mähotho ꞌnehe. 7 Adonías asta bi yꞌapäbi rä mfatsꞌi Joab näꞌä mrä tꞌu̱ Zeruyá ꞌne näꞌä rä mahjä mrä thuhu Abiatar. ꞋNe nuyu̱ hää bi mꞌu̱i dispuesto dä matsꞌi Adonías. 8 Pe näꞌä mahjä mrä thuhu Sadoc, Benaya näꞌä mrä tꞌu̱ Jehoiadá, rä profeta Natán, Simeí, Reí ꞌne nuꞌu̱ märꞌa yä soldado David himbi ne bi matsꞌi Adonías.