Isaías

7 ¿ꞌMu̱i mä nꞌa rä Äjuä? ¡ꞌÑembäbihu̱ ge dä ꞌñekua ꞌne dä ꞌñutkägi mu̱ xa mäjuäni! ¡Dä ꞌñekua pa dä xikägi te mä tꞌo̱tꞌe ma dä thogi mänꞌitꞌho ꞌne te ma dä thogi xudi ndämäni! Dä mää te ma dä thogi ja ngu xtä jaga dende mäyaꞌmu̱ nuꞌmu̱ dä huxä mä hnini. 8 ¡Ogi tsuhu̱! ¡Ogi huätꞌihu̱ ko rä mbidi! ¿Hage hingä dende änte dä rꞌaꞌähu̱ ntꞌo̱de kada nꞌa de geꞌähu̱? ¡Nuꞌähu̱ go geꞌähu̱ mä testigoꞌihu̱! ¿Hage ꞌmu̱i mä nꞌa rä Äjuä? Hinä, hingi ꞌmu̱i mä nꞌa rä Däta Ndo̱do. ¡Nuga hinto mä nꞌa di pädi!”». 9 Gatꞌho nuꞌu̱ toꞌo hoki yä zidada de gä do ꞌne de gä zaa, nuꞌu̱ hinte yä muui. Hinte ma dä mfaxte nuya yä tꞌo̱tꞌe xa di mädi. Koꞌmu̱ nuꞌu̱ hingi handi nixi o̱de, nuꞌu̱ hingi sirbe pa dä ntestigo. Hänge ma dä ꞌme̱ yä tsa nuꞌu̱ toꞌo hoki nuya yä tꞌo̱tꞌe. 16 Ju̱ mädee de geꞌä pa udi rä tsibi; ꞌne kongeꞌä häxi näꞌä rä ngo̱ tsi, ꞌne näꞌä di niñä. ꞌNehe kongeꞌä di mpaꞌti ꞌne enä: «¡Ä! Nuga di mpaꞌti mientra di handi hanja zo̱ rä tsibi». 17 Pe ko näꞌä pongi, näꞌä hoki nꞌa rä zidada, äꞌtsi nꞌa rä imagen. Näꞌä di ndandiñähmu ante geꞌä ꞌne di xo̱kämbeni. Näꞌä di xatuäbi ꞌne embäbi: «Ñängägi, ngeꞌä go geꞌi mä zidadaꞌi». 22 Ma gä japäbi dä mꞌe̱di nuꞌu̱ ri tsꞌoki ꞌñenä go ma dä njoꞌmi ko nꞌa rä gui, ꞌne nuꞌu̱ ri pekado ꞌñenä go ma dä njoꞌmi ko ꞌna rä däta ꞌmo gui. Pengi kongeki ngeꞌä nuga go ma gä tañꞌäꞌi ꞌne ma gä jutꞌi ri thai. 27 Näꞌä Toꞌo embäbi yä ndehe: “xaa, ꞌne ma gä japi dä yꞌotꞌi gatꞌho nuꞌu̱ ri däthe”; 28 Näꞌä Toꞌo enä de Ciro: “Näꞌä go geꞌä mä mayꞌo, ꞌne näꞌä ma dä me̱fi gatꞌho näꞌä go di ne”; Näꞌä Toꞌo enä de Jerusalén: “Ma dä thoki mänꞌaki”, ꞌne Näꞌä Toꞌo enä de rä templo: “Ma dä thoki ri simiento”».