2 Crónicas

2 Jehoás bi sigi bi me̱fi näꞌä xä ñho ante yä da Jeoba gatꞌho nuꞌu̱ yä pa bi mꞌu̱i Jehoiadá näꞌä rä makjä. 15 Jehoiadá bi mꞌu̱i ndunthi yä je̱ya. Ha nuꞌu̱ yä gäxä pa de rä bida, mi pe̱ꞌtsi nꞌa rä hogä tsaya ha rä mfeni. Jeoiadá bi du nuꞌmu̱ mi pe̱ꞌtsi 130 yä je̱ya. 16 Näꞌä bi tꞌagi ha rä Hnini David, habu̱ mi tꞌagi yä rey, ngeꞌä Jehoiadá xki me̱fi ndunthi yä hogä tꞌo̱tꞌe ha Israel; xki me̱fi yä hogä tꞌo̱tꞌe po Äjuä ꞌne po rä nguu. 17 Mꞌe̱fa de bi du Jehoiadá, nuꞌu̱ yä gobernante de Judá bi ma bä kꞌäꞌtsi rä rey, ꞌne rä rey bi yꞌo̱tsꞌe näꞌä mi ne dä mäñꞌu̱. 18 Nuꞌu̱ bi bandonäbi rä ngu Jeoba —näꞌä rä Äjuä xki xo̱kämbeni yä xita— ꞌne bi mu̱di bi ndäne yä poste ꞌne yä idolo, ꞌne po nuꞌu̱ yä pekado bä ehe rä kue̱ Äjuä kontra Judá ꞌne Jerusalén. 19 Ha hingo rängeꞌä, Näꞌä bi sigi bi me̱mpäbi yä profeta pa xä matsꞌi xä mengi mänꞌaki ko Jeoba. Nuyu̱ yä profeta mi xipäbiꞌu̱ te ma xä thogi mu̱ hinxä hye̱pu̱ näꞌä rä ꞌñuu xä ntsꞌo xki gu̱u̱, pe nuꞌu̱ hinte mi ne dä yꞌo̱de.