Proverbios

2 Dä ñꞌetsꞌä ri nsu mä nꞌa rä jäꞌi, hingä nuꞌise̱. Dä nsundaꞌi märꞌaa, hingä ri nese̱. 11 Dä nja ri mfädi, zi iho, ꞌne japi dä johya mä koraso, pa njabu̱ Nuga dä za gä thäti näꞌä toꞌo o̱tkägi rä burla ꞌne no̱tkägi. 12 Nꞌa rä jäꞌi näꞌä ja rä mfeni, handi rä peligro ꞌne di ñꞌägi, pe nuꞌu̱ yä dondo di sigi yä ꞌñuu ꞌne di xofo yä u̱gi. 17 Ja ngu nꞌa rä bo̱jä thui mä nꞌa rä bo̱jä, njabu̱ ꞌnehe nꞌa rä jäꞌi dä za dä matsꞌi rä amigo pa mänꞌa dä ñhojäꞌi. 21 Ja ngu rä crisol di sirve pa dä tꞌaxki rä plata, rä ornu pa dä tꞌaxki rä oro, njabu̱ ꞌnehe, ora tꞌespäbi rä nsu nꞌa rä jäꞌi, ja gepu̱ ma dä nheki te nguꞌä.