Eclesiastés

7 Nꞌa rä hogä thuhu mänꞌa xä ñho ke rä hogä aseite, ꞌne näꞌä rä pa di tuhu̱ mänꞌa xä ñho ke näꞌä rä pa dä mꞌu̱ihu̱. 8 Mänꞌa xä ñho ora huadi nꞌa rä tꞌo̱tꞌe ke ora fu̱di. Mänꞌa xä ñho toꞌo pe̱ꞌtsi rä pasensia ke toꞌo rä orgulloso ꞌne nguntꞌä di nkue̱. 10 Ogi enä: «¿Por hanja nuꞌu̱ yä pa xä thogi mänꞌa mi xä ñho ke nubye̱?», ngeꞌä nunä ntꞌani hingi o̱tꞌe nuꞌu̱ ja yä mfädi. 12 Ngeꞌä tanto rä hogä mfädi ngu rä bojä, dä za dä sugägihu̱. Pe gehnä rä bentaja pe̱ꞌtsi rä mfädi: Ge rä hogä mfädi supäbi rä te näꞌä rä dueñu. 16 Ogi ñꞌetsꞌi ge xa gi pe̱fi näꞌä xä ñho nixi ogi ñꞌetsꞌi ge xa ja ri mfädi. ¿Pa te gi ne gi mperjudikase̱? 17 O xa gi o̱tꞌa rä ntsꞌomꞌu̱i ꞌne o grä dondo. ¿Por hanja gi ne gi tu änte de ri tiempo? 18 Mänꞌa dä hogi gi jamäsu nꞌa de nuꞌu̱ yä adbertensia pe nsinke gi he̱gi de gi jamäsu näꞌä mä nꞌaa; ngeꞌä näꞌä toꞌo pe̱ꞌtsuäbi nꞌa hogä ntsu Äjuä ma dä jamäsu di yoho. 21 ꞌNe oxa gi e̱ntꞌä ha ri mfeni gatꞌho näꞌä mängä yä jäꞌi; ngeꞌä mu̱ xa gi jamäsu näꞌä siꞌi, mꞌe̱fa asta ma gi ꞌñenä ge näꞌä ri ꞌme̱go ꞌnehe xiꞌi yä tsꞌone. 22 Ngeꞌä nuꞌi gi pädi xä ñho ge ndunthi yä mꞌiki ꞌnehe xkä deseabi dä mabi xä ntsꞌo märꞌaa.