2 Timoteo

3 Pe mähyoni gi pädi ge ha yä gäxä pa, ma dä ꞌñepu̱ yä tsꞌo tꞌo̱tꞌe nuꞌu̱ xä ñhei toꞌo dä ze̱ti. 2 Ngeꞌä yä jäꞌi ma dä mädise̱, xi ma dä kꞌatꞌi yä bojä, xi dyä fachoso, ma dä despresia rä mikꞌei, hinte mä tꞌekꞌei ma dä me̱ꞌspäbi Äjuä, hingä ma dä yꞌo̱te nixi ma dä me̱ꞌspäbi rä tꞌekꞌei yä dada, hingä ma dä nja yä jamädi, hingä ma dä kumpli näꞌä di promete, 3 hingä ma dä nja yä mhäte, hinte mä kohi ma dä ne dä ja, dyä gu̱xä nkꞌuamba, hingä ma dä dominä yä mfeni, hinte mä nhuekäte ma dä senti, hingä ma dä mädi näꞌä xä ñho, 4 dyä traisionero, hinte mä tsꞌofo ma dä ne dä yꞌo̱de, dyä ñꞌexmänsu, mänꞌa ma dä mädi yä nkꞌatꞌi ke Äjuä, 5 ma dä ñꞌetsꞌi ge di mädi Äjuä, pe ko yä mꞌu̱i ma dä ꞌñudi ge hingä mäjuäni. Hänge ꞌuege de gehyu̱. 12 Mäjuäni, gatꞌho nuꞌu̱ ne dä de̱mbäbi yä paso rä Kristo ꞌne dä mꞌu̱i ja ngu di mända Äjuä, ꞌnehe ma dä tꞌu̱tsa. 13 Pe nuꞌu̱ yä tsꞌomꞌu̱i ꞌne nuꞌu̱ yä hyate mänꞌa ri ntsꞌomꞌu̱i, xa hatꞌi yä jäꞌi ꞌne di thatꞌi ꞌnehe. 15 ꞌne dende ngi bätsi nuꞌi xkä pädi de rä Mäkä Tꞌofo, ꞌne geꞌä ma dä rꞌaꞌi rä mfädi pa gi ñäni ri te po mäde de näꞌä rä jamfri gi pe̱ꞌspäbi Ñhesukristo. 16 Äjuä go bi ungä rä mfeni pa bi tꞌofo gatꞌho rä Mäkä Tꞌofo, ꞌne faxte pa dä ꞌñudi, pa dä ungä yä tsꞌofo, pa dä korreji ꞌne pa dä educa xä ñho, 17 ꞌne njabu̱ nuꞌu̱ te̱ni Äjuä, ma dä za dä ñhoki pa dä me̱fi näꞌä xä ñho.