Isaías

35 Yä yꞌotꞌä hai xa ma dä ndo̱ni ko rä johya, ꞌne yä däta yꞌotꞌä ꞌmatha xa ma dä johya ꞌne ma dä ndo̱ni ngu rä azafrán. 2 Hää, pe̱ꞌtsi te dä ndo̱ni, xa ma dä johya ꞌne asta ma dä mafi ko rä johya. Go ma dä tꞌumbäbi näꞌä rä nsunda pe̱ꞌtsi nuꞌu̱ yä hai yä thuhu rä Líbano, rä Carmelo ꞌne Sarón. Nuꞌu̱ ma dä hyandi näꞌä rä mäkä nsunda mä Zi Dadahu̱ Jeoba. 5 Ha nuꞌu̱ yä paꞌu̱, yä da yä goda ma dä xogi, ꞌne yä gu nuꞌu̱ yä zi gogu ma dä xogi. 6 ꞌNe ha nuꞌu̱ yä paꞌu̱, nuꞌu̱ yä doua ma dä nsagi ngu rä fantho̱, ꞌne yä jäne nuꞌu̱ yä zi gone ma dä mafi ko rä johya. Ngeꞌä ha rä yꞌotꞌä hai ma dä bo̱ho̱ yä dehe ꞌne yä nzo̱the ha yä yꞌotꞌä ꞌmatha. 8 ꞌNe nꞌa rä däꞌñu ma dä zo̱ho̱ dä nja, hää, nꞌa rä ꞌñuu näꞌä ma dä tꞌembi rä ꞌÑuu xä Ntꞌaxi. Rä yꞌo̱tꞌä tsꞌoki hingä ja ma dä thogini. Nunä ma dä zo̱ho̱ dä nja ho̱nse̱ pa nuꞌu̱ yꞌo ha rä ꞌñuu; ꞌne ninꞌa rä dondo hingä ma dä ñꞌo ha nunä ꞌñuu.