Hebreos

15 Ngeꞌä nuju̱ hindi pe̱ꞌtsihu̱ nꞌa rä ndä gä majhä näꞌä hindi komprendegihu̱; sino di pe̱ꞌtsihu̱ nꞌa rä ndä gä majhä näꞌä xä thogi yä prueba ja ngu nuju̱, pe näꞌä nunka bi yꞌo̱tꞌä nꞌa rä pekado. 16 Hänge ko ndunthi rä komfiansa ma gä jonihu̱ ha rä thandi Äjuä nuꞌä rä hojäꞌi, pa njabu̱ dä huegägihu̱ ꞌne gä benefisiahu̱ de rä ñhojäꞌi ꞌne de rä nhuekäte ora xa di honihu̱ rä mfatsꞌi.