Salmos

145 Nuga ma gä etsꞌäꞌi ri nsu, oh mä Zi Dadaꞌi rä Rey, nuga ma gä nsunda ri thuhu pa nzäntho. 2 Gatꞌho rä pa ma gä nsundaꞌi; ¡nuga ma gä nsunda ri thuhu pa nzäntho! 3 Jeoba xi rä dängi ꞌne go geꞌä ri ꞌñepi dä so̱kämbeni; hinto tsa dä bädi xä ñho hängu rä ndängi. 10 Gatꞌho näꞌä xkä hyoki ma dä nsundaꞌi, oh Jeoba, ꞌne nuꞌu̱ hingi ꞌuege de geꞌi ma dä ꞌñetsꞌä ri nsu. 14 Rä Zi Dada Jeoba to̱tsꞌe nuꞌu̱ ne dä dagi, ꞌne ju̱tsꞌi nuꞌu̱ ne dä huangi. 16 Nuꞌi gi xoki ri yꞌe̱ ꞌne gi umbäbi näꞌä desia gatꞌho nuꞌu̱ ja yä te. 17 Jeoba o̱tꞌe rä justisia ha gatꞌho yä ꞌñuu, ꞌne nzäntho o̱tꞌe näꞌä xä ñho. 18 Jeoba ꞌmu̱i getbu̱ de nuꞌu̱ toꞌo nzofo, de gatꞌho nuꞌu̱ di nzofo ko ngatꞌho yä koraso. 19 Umbäbi näꞌä ne nuꞌu̱ toꞌo pe̱ꞌspäbi nꞌa rä hogä ntsu; Näꞌä o̱tsꞌe nuꞌu̱ mafi adi rä mfatsꞌi, ꞌne näꞌä di ñäni.